Postmoor
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21640 | |
| Vörwahl: | 04163 | |
| Geograafsche Laag: | Koordinaten:53° 30′ N, 9° 35′ O53° 30′ N, 9° 35′ O | |
|
| ||
Postmoor (hoochdüütsch Postmoor) is en Dörp in de Gemeen Bliersdörp, Samtgemeen Hornborg, in’n Landkreis Stood, Neddersassen.
Geografie ännern
In’n Noordwesten von dat Dörp löppt in so bi 500 Meter Afstand de Au langs.
De Naveröörd sünd Hornborg in’n Noorden, Loodkup in’n Noordoosten, Dammhusen in’n Oosten, Neeklooster, Heendörp un Nottensdörp in’n Süüdoosten, Grundolendörp in’n Süden, Bliersdörp in’n Süüdwesten un Good Daudiek in’n Westen.
Historie ännern
Postmoor is 1795 as Moorkolonie grünnt worrn. De Naam kummt von de Plant Post, de hier in’t Moor wassen deit.
Vör 1852 hett dat Dörp to dat Gericht Delm höört un weer denn von 1852 bet 1859 in dat Amt Hornborg. Denn is dat Deel von dat Amt Harsfeld worrn. Na 1885 hett dat denn to’n Kreis Stood höört un von 1932 af an to’n hüdigen Landkreis Stood. De Oort hett al von öllers her to Bliersdörp totellt.
Von 1910 bet to’n Tweten Weltkrieg hett dat en Looshuus von de Goodtemplers in Postmoor geven. De Hambörger Koopmann, de lang in Postmoor leevt hett, hett dat stift hatt. Na’n Krieg hett sik de Loos nich wedder tohoopfunnen un dat Huus is denn an de Gemeen Bliersdörp överdragen un verköfft worrn.
Inwahnertall ännern
| Johr | Inwahners |
|---|---|
| 1824[1] | 1 Füürsteed |
| 1. Dezember 1871[2] | 95 Lüüd, 12 Hüüs |
| 1981[3] | 247 |
Religion ännern
Postmoor is evangeelsch-luthersch präägt un höört to dat Kaspel von de Katharinen-Kark in Bliersdörp.
Weertschop un Infrastruktur ännern
In’n Oosten von Postmoor gifft dat en grote Sandkuhl, in de Sand ünner annern för den Bo von de Autobahn 26 afboot warrt.
Fleten Water hett Postmoor 1961 kregen.[4]
Verkehr ännern
Postmoor liggt an de Kreisstraat 37, de in’n Süüdwesten na Bliersdörp un Rutenbeek löppt un dor över de K 26 na Harsfeld geiht. In’n Noordoosten münnt de K 37 dicht bi Postmoor in de Bundsstraat 73, de denn in’n Noordwesten na Hornborg rin un över Dullern un Gothenborg na Stood löppt. In’n Süüdoosten löppt de B 73 över Heendörp un Neeklooster na Buxthu. Nich wied von Postmoor weg gaht von de B 73 denn noch wedder de Landsstraat 130 na Nottensdörp af un de K 36, de denn över de Opfohrt 5 Hornborg an de Autobahn 26 (Afsnidd Stood–Hamborg) anslaten is, de so bi twee Kilometer von Postmoor weg is.
De nächste Bahnhoff is in Hornborg an de Nedderelvbahn, wat so 1,5 Kilometer weg is.
Footnoten ännern
- ↑ C. H. Jansen: Statistisches Handbuch des Königreichs Hannover. 1824, Sied 490: http://books.google.de/books?id=tG0AAAAAcAAJ&pg=PA490
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 140: https://books.google.de/books?id=qTZDAQAAMAAJ&pg=RA2-PA140
- ↑ http://www.postmoor.de/text/daten 6.htm
- ↑ http://www.postmoor.de/text/daten_4.htm
Weblenken ännern
- Websteed över de Geschicht von Postmoor (hoochdüütsch)