Rätoromaansch, oder wieter, de Rätoromaanschen Spraken sünd, man dor warrt mank de Forschers üm streden, en Grupp vun Romaansche Spraken un Dialekten, de noch in en paar Dalen in de Alpen in de Swiez (dor unner den Naam Bündnerromaansch, in'e Umgangssprake Romaansch oder Rumantsch) un in Italien (dor unner de Naams Ladiensche Sprake un Furlaansche Sprake) snackt weert. Se hefft sik ut dat Vulgärlatien vun de vörmolige röömsche Provinz Raetien utwickelt un hefft veel öllerhaftige Egenorden beholen, vunwegen dat de Dalen wiet af liggen doot.

Rätoromaanschen Spraken

Siet 1982 gifft dat ene Rätoromaansche Standardspraak ünner de Naam Rumantsch Grischun. Se worr in'n Opdrag vun de Lia Rumantscha maakt vun den Spraakwetenschopper Heinrich Schmid ut Zürich un baseert op de dree wichtigsten rätoromaanschen Dialekten vun de Swiez: Ünnerengadiensch (Vallader), Surmeirsch (Surmiran) un Surselvsch (Sursilvan).