De Raphe penis (lat., Penisnaht) is en Lien an de Ünnersiet vun’n Pint, woneem de Genitalwulsten in’t Fröhstadium vun de minschlich Entwickeln as Fötus tosamenwassen sünd. Disse Nahtlien sett sik op de ünneren Siet över’n Klötensack as Raphe scroti wieter foort un as Raphe perinealis över’n Damm (Perineum) bit to’n Oorslock (Anus). Op de Vördersiet geiht de Nahtlien ok wieter as dat Vörhuutband (Frenulum) und op de Vörhuut sülvst as Vörhuutnaht (Raphe preputii).

De Penisnaht an Pint un Büdel

Disse Nahtlien is ünnerscheedlich dull utprägt. Bi enige Mannslüüd is se düdlich to sehn, bi annere is se meist gor nich to sehn un düüdt sik blots as lichte Verfarven vun de Huut an.