Roy Rudolf Romer

Roy Rudolf Romer (* 31. Oktober 1928 in Garden City, Kansas) is en US-amerikaansch Politiker (Demokraatsche Partei). He weer de 39. Gouverneur van den US-Bundsstaat Colorado.

Roy Romer (2019)

Romer, tovör Liddmaat van dat Repräsentantenhuus van Colorado (1958–1962) un den Senat aon Colorado (1962–1966) as ok af 1977 State Treasurer, wurr 1986 in dat Gouverneursamt wählt un 1990 un 1994 dör Wedderwahl bestätigt. He is dormit de letzte Gouverner van Colorado, de dree Wahlperioden amteeren dee.

Van 1992 bit 1993 weer he Vörsitter van de National Governors Association. 1997 bit 1999 weer he Co-Vörsitter (General Chairman) van dat Democratic National Committee, de Parteiorganisatschoon van de Demokraten. Romer gellt as en van de herutragend Bildungspolitiker van dat Land.

An‘n 1. Juli 2001 wurr he Supendent van den Vereenigten Schoolbezirk van Los Angeles; dissen Posten harr he bit 2006 inne. Mit sien Fru Bea hett he söben Kinner un 15 Enkel. En van sien Kinner is de Wertschapswetenschapler Paul Michael Romer, de 2018 mit den Nobelpries för Wertschapswetenschapen uttekent wurrn is.

Weblinks

• National Governors Association (engelsch)
• Biografie bi den Colorado State Archives (engelsch, PDF; 49 kB)
• Artikel in de L.A. Times (engelsch)