Samtgemeen Harsfeld
De Samtgemeen Harsfeld is en Rebeetsverband in’n Landkreis Stood in’n Süden vun de Stoder Geest. Se hett 21.294 Inwahners (Stand 31. Dezember 2016).
| Wapen/Flagg | Koort | |
|---|---|---|
|
|
| |
| Basisdaten | ||
| Sitt: | Harsfeld | |
| Landkreis: | Stood | |
| Flach: | 165,28 km² | |
| Inwahners: | 21.294 (31. Dezember 2016) | |
| Geograafsche Laag: | 53° 27′ N, 9° 30′ O | |
| Grenzen bi OSM: | 446427 
| |
| Gemeenslötel: | 03 3 59 403 | |
| Tall Gemenen: | 4 | |
| SG-Börgermeester: | Rainer Schlichtmann | |
| Websteed: | www.harsefeld.de | |
|
Koort Kreis 
 | ||
De Samtgemeen gellt na dat neddersassische Kommunalverfatensgesett as Sülvstännige Gemeen.
Geografie ännern
Samtgemenenopdelen ännern
De Samtgemeen besteiht ut de veer Gemeenden Bargst, Brest, Ohlers un den Flecken Harsfeld.
Historie ännern
De Samtgemeen Harsfeld is 1972 ut de olen Samtgemenen Harsfeld, Ohlers un Bargst schopen wurrn.
Inwahnertall ännern
| Johr | Inwahners[1] |
|---|---|
| 31. Dezember 1972 | 12.892 |
| 31. Dezember 1977 | 14.035 |
| 31. Dezember 1982 | 14.706 |
| 31. Dezember 1987 | 15.153 |
| 31. Dezember 1992 | 16.456 |
| 31. Dezember 1997 | 17.907 |
| 31. Dezember 2002 | 20.186 |
| 31. Dezember 2007 | 20.394 |
| 31. Dezember 2012 | 20.093 |
| 31. Dezember 2017 | 21.447 |
Politik ännern
Samtgemeenderaat ännern
| Johr | CDU | SPD | FWG | Gröne | NPD | PdV |
|---|---|---|---|---|---|---|
| 2001 | 16 | 9 | 7 | 1 | - | - |
| 2006 | 15 | 9 | 8 | 2 | 1 | - |
| 2011 | 11 | 9 | 9 | 3 | 1 | 1 |
Samtgemeenbörgermeesters ännern
Dat Amt von’n Samtgemeenbörgermeester weer bet to dat Enn von de Tweegleisigkeit 2007 ehrenamtlich. Siet 2007 is de Börgermeester in’t Hauptamt för de Verwaltung von de Samtgemeen tostännig.
- 1972–1980: Hans Günther Hellweeg
- 1980–2001: Andreas Buss
- 2001–30. September 2007: Friedrich Dammann (CDU)
- 1. Oktober 2007–: Rainer Schlichtmann
Andreas Buss weer Ehrensamtgemeenbörgermeester.
Samtgemeendirekters ännern
Dat Amt von’n Samtgemeendirekter is 2007 mit dat Enn von de Tweegleisigkeit in dat Amt von’n hauptamtlichen Samtgemeenbörgermeester opgahn.
- 1972–1995: Horst Küster
- 1995–30. September 2007: Rainer Schlichtmann
Wapen ännern
De Samtgemeen Harsfeld driggt dat sülve Wapen as de Gemeen Harsfeld.
Dat blaue Schild hett enen breden witten (sülvern) Dwierbalken. Dor in is op en swart Peerd en swarter Ridder, de en Sweert hochhullt. Boven in dat Schild sünd dree gele (guldene) Rosen, ünnen sünd twee gele (guldene) Rosen.
Weertschop un Infrastruktur ännern
Scholen ännern
De Samtgemeen is Dreger von de Grundscholen Bargst un Ohlers un de Grundscholen Rosenborn un An’n Feldbusch in Harsfeld, de Haupt- un Realschool Harsfeld un de Oberschool Ohlers.
Bi de Balthasar-Leander-Förderschool un dat Au-Geest-Gymnasium Harsfeld, dat mit dat Schooljohr 2006/2007 den Bedriev opnahmen hett, is de Landkreis Stood de Dreger.
Ver- un Entsorgung ännern
De Samtgemeen bedrifft as Egenbedriev de Samtgemeenwarken Harsfeld (SWH).
Dor höört ünner annern dat Klärwark Harsfeld an de Harsfeller Straat In’n Butendiek an de Au to. Dat Klärwark is op 23.000 Inwahnerweerte utleggt. Dat is 1977 boot un 1986 dat eerste Maal utboot worrn. In’n März 1999 is en Blockwarmskraftwark in Bedriev gahn. Düsse drüdde Boafsnidd hett 2,76 Milljonen Euro köst.
En tweet Klärwark bedrievt de SWH mit dat Klärwark Bockholt twüschen Ohlers un Örsdörp. Dat is för de Öörd Ohlers, Ohrenswohl, Ottendörp und Kokerbeek tostännig. De Anlaag is op 6000 Inwahnerweerte utleggt. Se is 1992/1993 boot worrn un weer toeerst op 3000 Inwahnerweerte utleggt. 2006 is se op ehr hüdige Grött utboot worrn.
Footnoten ännern
Weblenken ännern
Samtgemeen Harsfeld. Mehr Biller, Videos oder Audiodateien to’t Thema gifft dat bi Wikimedia Commons.
- Websteed vun de Samtgemeen Harsfeld (hoochdüütsch)
