Schores Iwanowitsch Alfjorow
Schores Iwanowitsch Alfjorow (russisch: Жоре́с Ива́нович Алфёров}}, wetenschaplich Transliteratschoon russisch: Žores Ivanovič Alfërov}}, nömmt nah Jean Jaurès; * 15. März 1930 in Wizebsk, Wittrussland; † 1. März 2019[1]) weer en sowjeetsch un russisch Physiker. He weer Direkter vun dat Joffe-Institut in Sankt Petersburg un wurr 2000 mit den Nobelpries för Physik uttekent.
Leven ännern
He forsch in den Beriek vun de Halfleiterlaser ünner den Gebruuk vun Heteroövergängen. All Halfleiterlaser, to’n Bispeel bi Scannern in Registreerkassen, CD-Spelern oder Laserdruckern, footen up de vun Alfjorow opdeckt Prinzipien.
Alfjorow hett an dat Elektrotechnisch Institut in Leningrad (hüüd Sankt Petersburg) studeert un weer Gastwetenschapler in den USA. Van 1987 bit 2003 weer he Direkter vun dat „Physikalisch-Technische Institut A. F. Joffe“ in Sankt Petersburg un bit 2006 de sien wetenschaplich Baas. Siet 1989 weer he Viezpräsident vun de Russisch Akademie vun de Wetenschapen. 1987 wurr he as utwärtig Liddmaat vun de Akademie vun de Wetenschapen vun de DDR wählt.[2]
Den Nobelpries in dat Johr 2000 kreeg he to Hälft tosommen mit Herbert Kroemer (de anner Hälft gung an Jack S. Kilby) för Arbeiten ut de Halfleiterphysik, de Basis vun de Informatschonstechnologie wurrn sünd.
Alfjorow weer siet 1995 Liddmaat vun de russisch Duma un ok de Öllerspräsident. He weer Afordneter vun de Kommunistisch Partei vun Russland (aber ahn Parteiliddmaatschap) un weer, wenn sien Partei wunnen harr, as Wetenschapsminister vörsehn.
Utteknungen ännern
- 1996: Joffe-Pries
- 1999: Demidow-Pries
- 2000: Nobelpries för Physik
- 2001: Kyoto-Pries
- 2006: Global-Energy-Pries
- 2010: Ehrendokterwürde vun de Technische Universität Berlin[3]
- 2010: Eerste UNESCO-Medaille för de Entwicklung vun de Nano-Wetenschap un de Nanotechnologien[4]
De Asteroid (3884) Alferov wurr nah hüm nömmt.
Weblenken ännern
Schores Iwanowitsch Alfjorow. Mehr Biller, Videos oder Audiodateien to’t Thema gifft dat bi Wikimedia Commons.
Enkeld Nahwiesen ännern
- ↑ Schores Iwanowitsch Alfjorow ist gestorben
- ↑ Berlin-Brandenburgische Akademie der Wissenschaften, [1] Mitglieder der Vorgängerakademien = Shores Iwanowitsch Alfjerow, afropen an‘ 14. Februar 2015
- ↑ Verleihung der Ehrendoktorwürde an Prof. Dr. Zhores I. Alferov, Russische Akademie der Wissenschaften in St. Petersburg, in: Informationsdienst Wissenschaft van‘ 8. Januar 2010, afropen an‘ 4. Februar 2010
- ↑ Verleihung der UNESCO-Medaille für Verdienste zur Entwicklung der Nano-Wissenschaft und Nanotechnologien an Zhores I. Alferov, afropen an‘ 18. November 2010