De Siksika-Natschoon (engelsch: Blackfoot, "Swaartfoot", vun sik "swaart", ka "Foot" un Infix -s-i-) is en Indianervolk in dat süüdlich Alberta in Kanada. Tosommen mit de Kainai un Piegan wurrn se ok as Blackfoot (Eegenbeteknung Nitsitapii, "wahre Minschen") tosommenfaat.

As de Europäer nah den Westen trucken, sünd se wohrschienlich toeerst up de Siksika dropen un hebbt denn de Naam "Swaartfoot" up all Nitsitapi överdragen. Se weern Nahbers vun de Sarcee.

De bekanntste Siksika weer Crowfoot, Hööftling vun de Siksika un Ünnertekner vun de Verdrag Treaty 7. Mit dissen Verdrag vun 1877 hebbt de Siksika, tosommen mit de Sarcee un de Alberta-Assiniboine hör Jagdgründe an de kanaadsch Regeeren aftreden. To Tiet gifft dat ruch weg 4200 Siksika (vun insgesamt etwa 15.000 Nitsitapi oder Blackfoot in de wieteren Sinn).

De Siksika-Natschoon wurrd vun een Hööftling un twalf Raatslidmaaten regeert, de all twee Johr vun de Siksika wählt wurrn. To Tiet is Adrian Stimson Sr. Hööftling.

Weblenken ännern


Kiek ok ännern