Simon Winawer
Simon Winawer (* 6. März 1838 in Warschau; † 29. November 1919 in Warschau) weer een bedüüdend Schachspeler ut Polen in de 19. Johrhunnert.
Winawer keem 1838 in Warschau as Söhn van een rieken jöödschen Wodkahändler up de Welt. He harr negen Broers un een Süster. Schachspeelen lehrt hett he in Schachcafés in Warschau.
As Winawer 1867 in Paris dat eerste Mal an een bedüüdend Schachturnier deelnehm, hett he glieks den tweeten Platz belegt un 800 Franc dorför kregen. Dat Turnier hett Ignaz von Kolisch wunnen, aber Wilhelm Steinitz un Gustav Neumann leegen achter hüm. 1868 hett he denn dat eerste natschonale Turnier van Polen mit 23 Deelnehmers wunnen.
In de 70er un 80er Johren van dat 19. Johrhundert weer he een van de beste Spelers up de Welt. Nah 1883 hett he aber een Paus van 10 Johr inleggt und sück um sien Geschäft kümmert, wat hüm schachlich nich good bekommen is. Dornah weer he nich mehr so stark. 1901 hett he sien letzt Turnier speelt.
Sien gröötste Erfolge sünd de Turniersiege vun Sankt Petersburg 1875, Paris 1878, Wien 1882 und Nürnbarg 1883. Sien best histoorsch Elo-Tall weer 2708, de he in April 1883 harr. Över een Johr leeg he dormit up Platz 2 in de Welt.
Nah hüm sind diverse Varianten nömmt wurrn.
Literatur ännern
- Tomasz Lissowski: Szymon Winawer. The Chess Player, Nottingham 2000. ISBN 1-901034-38-0
- Hermann M. Winawer: The Winawer Saga, London 1994. ISBN 0-9524129-0-X