Slott Herdringen
Slott Herdringen in den Arnsbarger Stadtdeel Herdringen is Sitt van den Freeherren vun Fürstenberg un gellt as en van de bedüüdenst neegotischen Profanbauten in Westfalen. Dat hüüdige Slott wurr in de Johren 1844 bit 1853 dör den Kölner Dombaumeester Ernst Friedrich Zwirner baut.
Geschichte ännern
Dat Riddergoot Herdringen wurr 1376 eerstmals in en Oorkunn upführt. De dormalige Kettelborg weer bit 1501 Sitt van de Familie Ketteler. Nah den Verfall van de olt Borg wurr dör Johann von Hanxleden un Elisabeth Ketteler wieder westlich de Hanxledensche Gräftenhoff begrünnd. Dorbi hannel sück dat um en Fackwarkgebäude, dat sück up en künstlich Eiland süüdlich van de Vorborg befunn.
De Patterbuorner Fürstbischop Dietrich von Fürstenberg hett 1618 dat Goot köfft un sien Neffen Friedrich von Fürstenberg schunken. In de Johren 1683 bit 1723 wurr de dreeflögelige barocke Vorborg baut. In de Loop van de Tiet hemm sück immer starker de baulich Mängel van den Gräftenhoff wiest. Ok de relativ eng Platzverhältnisse un nich toletzt sien Erheeven in den Grafenstand hemm Franz Egon Graf von Fürstenberg (1818–1902) in de 1840er Johren dorto brocht, dat Herrenhuus in’n engelschen Tudorstil to bauen. De Gräftenhoff wurr 1853 afreeten.
Van 1968 bit 1998 wurr dat Slott as Internat (Institut Schloss Herdringen, privates Upbaugymnasium) bruukt.
In de 1960er Johren weer Slott Herdringen Dreihoort un Kulisse för de twee Edgar-Wallace-Filme Der schwarze Abt un Der Fälscher von London. 2008 wurr dat Slott för Filmupnahmen van de ZDF-Serie Krupp – Eine deutsche Familie bruukt.
Hüüd steiht das as Veranstaltensoort för Fierlichkeiten un Firmenveranstaltungen to Verfügung un kann van Gruppen nah Anmeldung ankeeken wurrn. Ok Konzerte finnen up dat Gelände statt: Ünner annern sünd dor all Fettes Brot, Madsen, Peter Fox, BAP, Roger Cicero, Die Fantastischen Vier un Atze Schröder uptreeden.
Dorneben verwohrt de Familie en olt un wertvull Musikaliensammlung van dat 18. Johrhunnert ut den Besitt van den Freeherrn von Sonsfeld, de to’n Bispeel en Flötensonate van Wilhelmine von Bayreuth enthollen deiht.[1]
Söhns un Döchter (Utwahl) ännern
- Franz Egon von Fürstenberg-Stammheim (1797–1859), Politiker un Grootgrundbesitter
Literatur ännern
- Friedhelm Ackermann, Alfred Bruns: Burgen und Schlösser und Klöster im Sauerland. Arnsbarg, Strobel Verlag 1985, ISBN 3-87793-014-X.
- Uwe Haltaufderheide: Die Baudenkmäler der Stadt Arnsberg. Erfassungszeitraum 1980–1990. Stadt Arnsberg, Arnsbarg 1990, ISBN 3-928394-01-0, S. 179–183.
- Michael Jolk: Der Bau der barocken Vorburg des Schlosses Herdringen unter Mithilfe der Rüthener Steinhauer Walck und Rabaliatti. In: SüdWestfalen Archiv. Landesgeschichte im ehemals kurkölnischen Herzogtum Westfalen und der Grafschaft Arnsberg. Heft 2, 2002, ISSN 1618-8934, S. 141–151.
Weblinks ännern
Enkeld Nahwiesen ännern
- ↑ Neeutgaav keem herut in den Furore Verlag Kassel.
Koordinaten: 51° 25′ 14″ N, 7° 58′ 13″ O