En Soundmodul oder Expander, is en elektroonschen Klangmaker ahn Snittsteed üm dorop to spelen, as to’n Bispeel en Klaviatur. Üm dorop spelen to künnen, mutt dormit en Reedschop anstüert warrn, de för MIDI utleggt. Dat kann en Controller wesen as en Masterkeyboard oder en Sequenzer.

Mono Wave Soundmodul (to’n Monteren in en Rack)

Vele Synthesizers, Hardwaresamplers, E-Drums oder Instrument-Emulaters gifft dat ok as Soundmodulen. Dat is vör allen en Vördeel för Studiomusikers, vunwegen dat se al en MIDI-Keyboard hebbt un mit dat Soundmodul Geld un Platz sporen künnt.

De Mehrtall vun Soundmodulen hebbt en Norm-Breed un Schruuvgewinnen, dat een jem in en Rack inboen un dormit stapeln kann. Dat is en sünneren Ständer för musikaalsche Reedschoppen. Man dat gifft ok enkelte Soundmodulen, de sik an en normalen PC ansluten laat, as to’n Bispeel de Synthesizer Waldorf Microwave PC, de in en Schacht för Disketten oder CD-Loopwarken insett warnn kann. Enige Modellen sünd ok för den Live-Insatz vörsehn un wiets dorför Reglers un Stüerelementen för sünnere Funkschonen op. En Bispeel is de Hammond-Orgel-Emulater VK-8M vun Roland.

Soundmodulen weern in de eersten Hälft vun de 1990er Johren an’n wietsten verbreedt. Dorna hett sik de Produkschoon jümmer mehr op den Reekner sülvst verlagert (Native Processing). Hardware-Soundmodulen warrt hüüt faken ok Software-Faten op’n Markt bröcht, vunwegen dat de Reeken-Leistung jümmer grötter warrt. Se hebbt vundaag meist de glieke Klangtügen as de Reedschopen sülvst.

Deelwies gifft dat op’n Markt ok so nöömte Hybrid-Systemen, de man jüst so för en Reekner as ok alleen för sik – to’n Bispeel op de Bühne – bruken kann. En Bispeel för en Hybrid-System is de Roland Fantom-Reeg, de över’n USB-Ansluss mit den Reekner verbunnen warrn kann un dormit ok Total-Recall mööglich maakt.

Literatur ännern

  • Helmut Hofmüller: Handbuch Homerecording. 1. Oplaag, Elektor-Verlag, Aaken, 1998, ISBN 3-89576-044-7
  • Michael Dickreiter: Handbuch der Tonstudiotechnik. 6. Oplaag, K.G. Saur Verlag KG, München, 1997, ISBN 3-598-11320-x

Weblenken ännern

  Soundmodulen. Mehr Biller, Videos oder Audiodateien to’t Thema gifft dat bi Wikimedia Commons.