Sverre Farstad
Sverre Farstad (* 8. Februar 1920 in Trondheim; † 27. März 1978) weer en norweegsch Iesflinklöper.
Werdegang ännern
Farstad wunn 1947 överraschend bi de Iesflinkloop-Europameesterschapen de Bronzemedaille un bi de Weltmeesterschap sogor de Sülvermedaille. Dorför weer he bi de norweegsch Landsmeesterschap blots up Platz 9 kommen un kunn dorüm blots deswegen internatschonal starten, wiel 14 Daag vör de Europameesterschapen söben vun de beste Norwegers hör Deelnahm afseggt harrn.
In dat Johr drup wurr he bi de eerste Olympisch Winterspelen nah den Tweeten Weltkrieg in St. Moritz Olympiasieger över 1.500 m un över 500 m keem he up Platz 6.
1949 wurr he Europameester in’ Mehrkamp. Dorbi stell he denn ok sien eenzigen Weltrekord in sien Karriere up.
Nah dat Enn’ vun sien aktiv Loopbahn arbeidt Sverre Farstad as Sportjournalist.
Erfolge ännern
- 1947 Viez-Weltmeester, EM-Dritter (Mehrkamp)
- 1948 Olympisch Goldmedaille över 1.500 m
- 1949 Europameester (Mehrkamp)