Tabaré Ramón Vázquez Rosas (* 17. Januar 1940 in Montevideo6. Dezember 2020[1]) weer en uruguayisch Politiker. He weer tüschen März 2005 un März 2010 Präsident vun sien Land. In‘ März 2010 weer sien Nahfolger José Mujica as nee wählt Präsident. Siet den 1. März 2015 hett he dat Amt vun sien Vörgänger weer övernommen.

Tabaré Vázquez

Vázquez hett an de Universidad de la República Medizin studeert un is Krebsspezialist. Vázquez is siet 1971 Liddmaat vun de Partido Socialista del Uruguay (Sozialistisch Partei vun Uruguay) un weer tonächst Börgermeester vun de Hööftstadt Montevideo. As Kandidat vun de Frente Amplio (Breet Front), en Koalitschoon vun linksricht Parteien, weer he 1994 un 1999 Präsidentschapskandidat. 1999 kreeg he all 48 % vun de Stimmen.

Bi de Wahlen in‘ Oktober 2004 is he weer antreden. He wunn mit 50,45 % in‘ eersten Wahlgang gegen de Kandidaten vun de traditschonell Parteien Jorge Larrañaga (Partido Nacional) mit 34,30 % un Guillermo Stirling (Partido Colorado) mit 10,36 %. Hüm wurrn vörher all vörutseggt, dat he dat meest 180 Johr andüernd Wesselspeel tüschen de konservativ Blancos un de Liberalen Colorados to beenden.[2] Dormit hett Vázquez den amteerend Präsidenten Jorge Batlle Ibáñez aflöst.

Vázquez sett sück för en utpräägten Sozialstaat un good Verhältnis to’n Mercosur un de USA in.

In‘ November 2008 hett Vázquez en Liberaliseeren vun dat Afdrieven ünnerbunnen, indem he sien Veto gegen en Gesettentwurf vun den Frente Amplio inleggen dee.[3] An‘ 4. Dezember hett he denn upgrund vun de Differenzen mit sien Partei den Vörsitt vun de Sozialistisch Partei daalleggt.[4] Nah en Besöök vun den boliviaansch Präsidenten Evo Morales hett he in‘ Juli 2009 ankünnigt, dat he de Utfohr vun Blaaden vun de Cocastruuk över Uruguay unterstütten wull, indem se vun de List vun gefährlich Drogen streeken weern sullen.[5].

Sonst noch wat ännern

An‘ 4. Februar 2011 sull in den Verlag Aguilar sien Book "Crónica de un mal amigo" herut kommen.[6]

Vázquez is mit María Auxiliadora Delgado un hett mit hör dree Kinner (Ignacio, Álvaro un Javier). Dorto hebbt se noch een Söhn (Fabián) adopteert.

Vörgänger Amt Nafolger
Jorge Batlle Ibáñez Präsident vun Uruguay
1. März 2005 - 1. März 2010
José Mujica
Vörgänger Amt Nafolger
José Mujica Präsident vun Uruguay
siet 1. März 2015

Enkeld Nahwiesen ännern

  1. Muere a los 80 años el expresidente de Uruguay Tabaré Vázquez. 6. Dezember 2020, afropen an’n 6. Dezember 2020 (spaansch).
  2. Ein linker Pragmatiker und ein Krebsspezialist - Mit Tabaré Vázquez tritt zum ersten Mal ein Linker das Amt des Präsidenten von Uruguay an
  3. Uruguay: Präsident stoppt Liberalisierung der Abtreibung
  4. Tabaré Vázquez tritt vom Parteivorsitz zurück.
  5. Uruguayan ports will give Bolivian trade access to the sea
  6. "Tabaré Vázquez anuncia libro - Enemigos íntimos" auf www.montevideo.com.uy van‘ 25. Januar 2011

Weblenken ännern