Thomas Arthur Steitz
Thomas Arthur Steitz (* 23. August 1940 in Milwaukee, Wisconsin; † 9. Oktober 2018) weer en US-amerikaansch Molekularbioloog un Biochemiker. För sien Arbeiten to de Klärung vun de Struktur un Funktschoon vun Ribosomen wurr he 2009 mit de Nobelpries för Chemie uttekent.
Biografie ännern
Steitz hett sien Chemie-Studium 1962 mit en B.A. an de Lawrence University in Appleton, Wisconsin afslooten. Sien Dokterarbeit hett he 1966 an de Harvard University bi William Lipscomb makt. Nah en Postdocupenhalt an dat britsch MRC in Cambridge weer he siet 1970 an de Yale University in New Haven, Connecticut tätig. Dor forsch un lehr he as Sterling Professor of Molecular Biophysics and Biochemistry un Howard Hughes Medical Institute Investigator.
Utteknungen ännern
- 1980: Pfizer Award in Enzyme Chemistry
- 1990: Liddmaat vun de National Academy of Sciences
- 2001: Rosenstiel Award for Distinguished Work in Basic Medical Research
- 2001: AAAS Newcomb Cleveland Prize
- 2006: Keio Medical Science Prize
- 2007: Gairdner Foundation International Award
- 2009: Nobelpries för Chemie (tosommen mit Venkatraman Ramakrishnan un Ada Yonath)
Weblenken ännern
Category:Thomas A. Steitz. Mehr Biller, Videos oder Audiodateien to’t Thema gifft dat bi Wikimedia Commons.