Tittenmüüs
De Tittenmüüs (Mastomys) sünd en Geslecht vun Müüs, de in Afrika süden de Sahara vörkaamt. Se tekent sik dör en besünners grote Tall Titten ut, de bet to 24 bedragen kann. Opwenigst Titten hett Shortridge sien Tittenmuus mit teihn Titten.
| Tittenmüüs | ||||||||||
|---|---|---|---|---|---|---|---|---|---|---|
 | ||||||||||
| Systematik | ||||||||||
| ||||||||||
| Wetenschoplich Naam | ||||||||||
| Mastomys | ||||||||||
| Thomas, 1915 |
Welk vun de Tittenmüüs leevt ok as Kulturfolger in de Neegd vun’n Minschen. De Müüs leevt vör allen in Savannen, Halfwöösten un Dröögwoolden.
Oorden ännern
Woveel Oorden vun Tittenmüüs dat gifft, dat is noch nich ganz gewiss. De Oorden laat sik swoor afgrenzen. Vun disse Oorden warrt utgahn:
- Dwarg-Tittenmuus, Mastomys pernanus, Kenia, Tansania, Ruanda
- Natal-Tittenmuus, Mastomys natalensis, Süden vun Afrika, hüüt as Kulturfolger in ganz Afrika süden de Sahara
- Verhayen sien Tittenmuus, Mastomys verheyeni, Kant vun’n Tschadsee
- Hildebrandt sien Tittenmuus, Mastomys hildebrandtii, Westafrika, noorden Deel vun Zentralafrika, Äthiopien, Somalia
- Südliche Tittenmuus, Mastomys coucha, süden Deel vun Afrika
- Guinea-Tittenmuus, Mastomys erythroleucus, Sahelzoon
- Angola-Tittenmuus, Mastomys angolensis, Angola, süden Deel vun de Demokraatsche Republik Kongo
- Shortridge sien Tittenmuus, Mastomys shortridgei, Okawango