Universität vun Korsika
| Universität vun Korsika (Université de Corse Pascal Paoli, Università di Corsica Pasquale Paoli) | |
| in: | Corte |
| Typ: | staatlich |
| Grünnt: | 1765 (1981) |
| Studenten: | 4400 |
| Perfessers: | 240 |
| Direkter: | Antoine Aiello |
| Websteed: | www.univ-corse.fr/ |
De Universität vun Korsika (vullstännig: Pascal-Paoli-Universität) is de Universität vun de Stadt Corte op Korsika. Dat is de eenzige Universität op dat Eiland un so ok de eenzige Universität, an de de kors’sche Spraak ünnerricht warrt. De Ünnerrichtsspraak is ans aver vör allen Franzöösch. De Akademie höört to de franzöösche Akademie vun Korsika to.
De Universität hett ehrn Naam na’n kors’schen Natschonalheld Pascal Paoli kregen, de ehr ok grünnt harr. Se hett 4.400 Studenten un 240 Perfessers un Dozenten, tohoop mit Lüüd in de Verwaltung un Technikers 370 Mitarbeiders. Se is verdeelt över dree Stellen, de Citadelle, Campus Caraman un Campus Grossetti, de tohoop 3,5 Hektar groot sünd.
De Universität is 1765 grünnt worrn, kort nadem Korsika as Staat unafhängig worrn weer. An’n 3. Januar weer de eerste Sitzung in de Kark Saint Marcel. 1768 is se aver al wedder dicht maakt worrn, as de Franzosen Korsika innahmen hebbt. Eerst 1981 is de Universität denn wedder nee grünnt worrn mit toeerst 500 Studenten.
Weblenken ännern
- Websteed vun de Universität (franzöösch)