Veersbrügg
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27383 | |
| Vörwahl: | 04263 | |
| Geograafsche Laag: | Koordinaten:53° 9′ N, 9° 28′ O53° 9′ N, 9° 28′ O | |
|
| ||
Veersbrügg (hoochdüütsch Veersebrück) is en lütten Oort in de Gemeen Scheeßl in’n Landkreis Rodenborg, Neddersassen. Binnen de Gemeen höört de Oort to de polietsche Oortschop Scheeßl.
Geografie ännern
De Oort liggt an de Steed, an de de Veers in de Wümm münnt. De Loop von de Veers is as Naturschuulrebeed Veersdaal schuult.
De Naveröörd sünd Jeersdörp in’n Noorden, Scheeßl in’n Noordoosten, Westervees in’n Oosten, Veers un Badlsdörp in’n Süüdoosten, Wohlsdörp in’n Süden, Rodenborg in’n Süüdwesten un Westerholt in’n Noordwesten.
Historie ännern
De Oort hett eerst in dat 19. Johrhunnert sien Anfang nahmen, as en enkelt Huus an de Schossee twüschen Scheeßl un Rodenborg boot worrn is. Von 1834 bet 1875 hett dor de Innehmer seten, de dat Weggeld op de Schossee von Hamborg na Bremen kasseert hett. De Innehmer weer dor ok för tostännig, de Schossee instand to hollen.
Verwaltungsgeschicht ännern
De Oort hett vör 1885 to de Amtsvaagdie Scheeßl in dat Amt Rodenborg tohöört. Na 1885 weer dat in’n Kreis Rodenborg, de 1977 mit’n Landkreis Bremervöör to’n ne’en, grötteren Landkreis Rodenborg tohoopgahn is.
De Oort höört al von öllers bi de Gemeen Scheeßl mit bi, de an’n 1. März 1974 mit de Gemeenreform in Neddersassen düüdlich wussen is. Sietdem billt Scheeßl binnen de Gemeen Scheeßl en Oortschop.
Inwahnertall ännern
| Johr | Inwahners |
|---|---|
| 1. Dezember 1871[1] | 12 Lüüd, 2 Hüüs |
| 1. Dezember 1885[2] | 9 Lüüd, 2 Hüüs |
| 1. Dezember 1905[3] | 9 Lüüd, 2 Hüüs |
Religion ännern
Veersbrügg is evangeelsch-luthersch präägt un höört to dat Kaspel von de Lucas-Kark in Scheeßl.
För de Kathoolschen is de Corpus-Christi-Kark in Rodenborg tostännig.
Weertschop un Infrastruktur ännern
För Veersbrügg is de freewillige Füürwehr Scheeßl mit tostännig.
Verkehr ännern
Dör Veersbrügg löppt de Bundsstraat 75, de in’n Noordoosten över Scheeßl un Lauenbrüch na Töst un Bookholt geiht un in’n Süüdoosten na Rodenborg un Otterbarg. Dicht bi Veersbrügg geht von de B 75 na Süüdoosten de Kreisstraat 224 af, de na Badlsdörp un Brookel un dor an de B 71 löppt.
De nächste Autobahn is de Autobahn 1 (Afsnidd Hamborg–Bremen). De Opfohrt 48 Elsdörp liggt so 15 Kilometer in’n Noordwesten von Veersbrügg an de L 131.
De nächste Bahnhoff is knapp veer Kilometer wied weg in’n Noordoosten de Bahnhoff Scheeßl an de Bahnlien Hamborg–Bremen.
Footnoten ännern
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 168
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 180
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 151