De Viola da Gamba (Italieensch för Beenviole) oder Gambe is en Familie vun Striekinstrumenten, de vun de Gitarre afstammen deit. Dat Instrument hett siene hüdige Form in dat 16. Johrhunnert kregen. De Gambe hett sess Sieten harrt un is in Quarten stimmt wurrn. Se is up'n Knee holen wurrn. Monsieur de Saint-Colombe hett dor later en sevente Siete toföögt, dor konn denn mit mehr Geföhl up speelt weern.

Wie en Viola da Gamba speelt warrt

Gröttere Aarden weert twuschen de Beene klemmt. Hier hefft sik later de Cellos ut entwickelt. En wichtigen Unnerscheed is, datt de Cello keen Bund hett un datt de Gambe mit de Hand unnern Stock, dat Cello avers mit de Hand över'n Stock streken warrt.

De Kontrabass is wedder en noch gröttere Form vun de Gambe. Ok de Viola d’Amore stammt vun de Gambenfamilie af.

Verschedene Mate vun de Viola da Gamba