Vulkaansch Tremor (vun lat. tremere „bevern“) is en sünnere Form vun seismische Energiefreesetten, de in’n Tosamenhang mit vulkaansche Aktivität vörkummt un faken as Henwies ansehn warrn kann, dat en Vulkan wedder aktiv warrt un in nächste Tiet utbreken kann.

Seismogrammopteken vun vulkaanschen Tremor
Vergliek vun de veer wichtigsten Seismogramm-Typen mit vulkaanschen Tremor ganz ünnen

In’n Gegensatz to Seismogrammen vun Eerdbeven, Bargslääg oder Explosionen wiest sik de vulkaansche Tremor in Seismogrammen dör langbülgige harmoonsche Swingvörgäng un warrt dorüm mitünner ok as harmoonschen Tremor betekent. Anners as bi Eerdbeven warrt bi vulkaanschen Tremor de Energie över en lange Tietduer freesett. Dat hannelt sik dorbi üm dat duersome Freesetten vun seismische Energie, mitünner ok tosammen mit Infraschallenergie, dör dat Opstiegen vun Magma oder vulkaansche Gasen in de Eer. Dorbi warrt de Steen binnen de Eer jümmerto to’n Swingen anregt, wat to dat tyypsche harmoonsche Signal föhrt.

Weblenken ännern