Warwick Davis (* 3. Februar 1970 in Epsom, Surrey, England) is en lüttwassigen, britschen Schauspeler. Na egen Utseggen is he nipp un nau „3 ft. 6“, also ruchweg 110 cm groot.

Warwick Davis in’n November 2006

Leven un Karriere ännern

Davis erst grote Filmrull weer de Ewok Wicket in den Film Return of the Jedi vun 1993, de an de Siet vun Prinzessin Leia to sehn weer. Weniger bekannt is, dat he wiel de Produkschoon vun den Film mit Hülp vun den „Star-Wars“-Speelbasshelpsmann David Tomblin en egenen Film as Wicket makt hett, de aver nich apentlich maakt worrn is. Davis hett dorna as wietermaakt as Wicket in de anneren Ewok-Filmen. Man, in enige Filmen weer he nich mal in’n Afspann opföhrt.

Af un to hett Davis ok an’t Theater speelt, so to’n Bispeel an’t Gordon Craig Theater un an’t Milton Keynes Theatre in Grottbritannien. Dor hett he enige Johren in dat Stück „Schneewittchen und die 7 Zwerge“ in wesselnde Rullen speelt. 1996 speel he den Smee in „Peter Pan“ un 1999 den Ringgeist in „Aladdin“.

 
Mang sien Fans, 2007

Faken weer Davis’ Rullen mit en bannigen Opwand verbunnen wat de Mask angeiht, mitünner bruukt he sogor en Mask för den helen Lief, so dat de meisten Tokiekers em jümmer noch nich kennen doot, ofschoonst he al vele Rullen speelt hett. De wenigsten kennt aver sien Gesicht, hööchstens as Titelheld ut den Film Willow vun 1988 oder as Oberon in dat uttekente Drama Ray vun 2004.

Intressanterwies sünd de Rullen, de he speelt hett, meist üm so bekannter, je weniger man vun Davis sülvst sehn kann. To sien bekanntesten Rullen tellt, blangen den Ewok Wicket ok de Professer Flitwick ut de Harry Potter-Filmen, de möörderische Leprechaun ut de glieknamige, langlevige Filmreeg, un ok de depressive Android ut den Film The Hitchhiker’s Guide to the Galaxy vun 2005 – de engelsche Originalstimm weer aver nich sien egen, man de vun sien Landsmann Alan Rickman.

Bit hüüt is Warwick Davis een vun de meistbeschäftigsten lüttwassigen Schauspeler.

Blangen sien Schauspeleree is David Mitgrünner un -besitter vun en Talentagentur mit den Naam Willowmanagement, de sik anfangs op de Vermitteln vun lüttwassig Dorstellers twüschen dree un fief Foot (~90-150 cm) Grött spezialiseert harr. Vundaag vermittelt de Agentur aver ok Dorstellers, de dat naue Gegendeel, neemlich tomindst söven Foot (~210 cm) groot sünd. To sien Kundschaft tellt so bekannte Naams as Kenny Baker, de in de „Star Wars“-Filmen den Roboter R2D2 speelt hett.

Filmografie (Utwahl) ännern

Johr Titel Synchroonsnacker
1981 Time Bandits  
1983 Star Wars: Episode VI – Return of the Jedi
dt.: Die Rückkehr der Jedi-Ritter
 
1984 The Ewok Adventure, Feernsehfilm
dt.: Ewoks – Karawane der Tapferen
Wolfgang Ziffer
1985 Ewoks: The Battle for Endor, Feernsehfilm
dt.: Ewoks – Kampf um Endor
Mogens von Gadow
1986 Labyrinth
dt.: Die Reise ins Labyrinth
 
1988 Willow Nicolas Böll
1989 The Princess and the Dwarf  
1993 Leprechaun
dt.: Leprechaun – Der Killerkobold
Kai Taschner
1994 Leprechaun 2
dt.: Leprechaun 2 – Der Killerkobold kehrt zurück
Kai Taschner
1996 Gulliver’s Travels
dt.: Gullivers Reisen
Santiago Ziesmer
1997 Prince Valiant
dt.: Prinz Eisenherz
Gerald Schaale
1999 Star Wars: Episode I – The Phantom Menace
dt.: Star Wars: Episode I – Die dunkle Bedrohung
 
1999 The New Adventures of Pinocchio
dt.: Die neuen Abenteuer des Pinocchio
 
1999 The White Pony
dt.: Das verwunschene Pony
Achim Schülke
2001 Snow White, Feernsehfilm  
2001 Harry Potter and the Sorcerer’s Stone
dt.: Harry Potter und der Stein der Weisen
Mogens von Gadow
2002 Harry Potter and the Chamber of Secrets
dt.: Harry Potter und die Kammer des Schreckens
 
2004 Skinned Deep  
2004 Harry Potter and the Prisoner of Azkaban
dt.: Harry Potter und der Gefangene von Askaban
Mogens von Gadow
2004 Ray Santiago Ziesmer
2005 The Hitchhiker’s Guide to the Galaxy
dt.: Per Anhalter durch die Galaxis
 
2005 Harry Potter and the Goblet of Fire
dt.: Harry Potter und der Feuerkelch
Mogens von Gadow
2007 Small Town Folk  
2007 Harry Potter and the Order of the Phoenix
dt.: Harry Potter und der Orden des Phönix
Mogens von Gadow
2008 Agent One-Half  
2008 The Chronicles of Narnia: Prince Caspian
dt.: Die Chroniken von Narnia – Prinz Kaspian von Narnia
Gudo Hoegens
2009 Harry Potter and the Half-Blood Prince
dt.. Harry Potter und der Halbblutprinz
Mogens von Gadow
2010 Harry Potter and the Deathly Hallows: Part 1
dt.: Harry Potter und die Heiligtümer des Todes
Kai Taschner
2011 Harry Potter and the Deathly Hallows: Part 2
dt.: Harry Potter und die Heiligtümer des Todes: Teil 2
Mogens von Gadow (as Flitwick)
Kai Taschner (as Griphook)
2011-13 Life’s Too Short, Feernsehreeg  
2013 Jack the Giant Slayer
dt.: Jack and the Giants
Kai Taschner
2013 Dwarves Assemble, Feernsehminireeg  
2014 Get Santa
dt.: Rettet Weihnachten!
Santiago Ziesmer

Filmpriesen ännern

Warwick Davis is noch nich mit en Filmpries ehrt worrn, man he weer dreemol nomineert, dorünner för den Saturn Award as Best Nawussschauspeler för sien Titelrull in Willow.

Websteden ännern