Wilhelm Cohn
Wilhelm Cohn (* 6. Februar 1859 in Berlin; † 17. August 1913 in Charlottenburg) weer en düütsch Schachmeester.
Cohn weer Schachspeler vun Berop un hett an völ Turnieren deelnommen. Sien best Ergebnis weer de mit Rudolf Charousek und Michail Tschigorin deelt tweete Platz bi den 11. Kongress vun de Düütsch Schachbund in Köln 1898 (achter Amos Burn aber noch vör Wilhelm Steinitz, Carl Schlechter, Jackson Whipps Showalter, Johann Berger usw.). En Johr later nehm he an dat groode Turnier vun London deel un deel sück Platz 10 mit Ex-Weltmeester Wilhelm Steinitz. 1900 in München keem he up Platz 6. 1902 in Hannober lann he woll wat wieder achtern, kunn aber den Weltklassespeler Harry Nelson Pillsbury slahn. 1905 keem he up Platz 3 in dat B-Turnier vun Barmen.
He speel twee Wettkämpe, de he aber beid verlor: 1894 in Berlin tegen Carl August Walbrodt mit 0:5 un 1910, ok in Berlin, tegen Ehrhardt Post mit 4,5:7,5 (+3, -6, =3).