William Henry Harrison

William Henry Harrison (* 9. Februar 1773 in Berkeley Plantation, Virginia; † 4. April 1841 in Washington D.C.) weer en US-amerikaansch General un de 9. Präsident vun de USA 1841.

He stamm ut en ansehn Planterfamilie in Virginia, ähnlich as de eerst söss Präsidenten vun de USA. Mit achttein Johren gung he nah de US-Armee, wo he vör allen tegen de Indianer in de Noordwesten kämpfen de. 1804 sloot he as Gouverneur vun dat Indiana-Territorium mit de Sauk un Fox en Verdrag över de eerst later henn wirksam Aftreden vun Land. Dit weer denn later de Grund för de Black-Hawk-Krieg. 1809 is he Gouverneur vun de nee Staat Indiana wurrn.

Natschonale Popularität broch hüm de Slacht bi Tippecanoe an 7. November 1811, wo he en Föderatschon upsternaatsch Indianer (vör allen Shawnee) ünner de Föhrung vun Tecumseh un de sien Broer, de Propheten, slahn kunn. Dat Rebeet tüschen de Ohio River un de Groode Seen weer dormit endgültig för de Besiedlung dör de Witten free. Harrison gell nu as The General who saved the Northwest. In de Krieg vun 1812 hett he sück tegen de Briten up de westlich Kriegsschauplatz uttekend un hett se nah anfänglich Rückschlääg in de Slacht an’ Thames River an’ 5. Oktober 1813 besiegt. Dorbit keem ok sien old Widersacher Tecumseh to Dood.

Vun 1824 bit 1828 hörr Harrison de US-Senat an, vun 1828 bit 1829 weer he Botschafter in Groot-Kolumbien, wo he aber mehr dör extreme Taktlosigkeiten up sück upmarksom makt hett. In de Höörwiet vun Regierungslidmaaten sall he seggt hemm, dat de doode Washington hüm leever weer, as de lebende Bolívar.

1836 is he as Exponent vun de nee Whig-Partei to de Präsidentschapswahlkamp antreden. De Whigs vertreden hööftsächlich de Interessen vun Ünnernehmers un lütt Buern (vör allen ut de Noordoosten). Se weern so en Oort Protestbewegung tegen de Demokraten, de angeblich korrupt weern. Bi de Wahl vun 1840 kunn he de Amtsinhaber Martin van Buren slahn, to sien Gunsten hett sück dorbi een ernsthafe Wertschapskrise utwirkt. Sien Viezpräsident weer John Tyler - de Slogan weer: Tippecanoe and Tyler too.

1841 hull he bi sien Vereidigung en tweestündig Inaugurationsred. An dissen kolden Dag in März drog he kein Mantel. Prompt kreeg he en Lungenentzündung un full all an den nächsten Dag in’t Koma. Nah 30 Daag is he denn storben. Sein Präsidentschap weer de körtste in de US-Historie un he weer ok de eerste Präsident, der in sien Amtstied storben is un dör den Viezpräsidenten ersett wurrn is. He weer en strikten Abstinenzler, harr aber wohrschienlich en Magengeswüür, wiels he immer en strikten Diät inhollen muss. Sein Kindskind Benjamin Harrison wurr 1833 in sien Huus boren un wurr laterhenn de de 23. Präsident vun de USA (4. März 1889 - 3. März 1893).

Weblenken ännern

Op Wikiquote gifft dat Zitaten to, över oder vun „William Henry Harrison“ (hoochdüütsch).

William Henry Harrison. Mehr Biller, Videos oder Audiodateien to’t Thema gifft dat bi Wikimedia Commons.

Biographie in NNDB (engelsch)

Präsidenten vun de USA