Wjatskoje (russ’sch Вятское) is en Fischerdörp an de Süüdkant vun’n Amur in’n Oosten vun Russland. Dat Dörp liggt so bi 70 Kilometer noordoosten vun Chabarowsk un is Deel vun de Region Chabarowsk.

Toeerst hebbt in de Gegend üm Wjatskoje Tungusen leevt. Dat Dörp weer Deel vun de Buten-Mandschurei un is mit de Pekinger Konvention 1860 vun China tohoop mit Chabarowsk un Wladiwostok an Russland kamen.

In’n Tweten Weltkrieg weer bi Wjatskoje en Lager vun de 88. Brigaad vun de Sowjetarmee, de ut Partisanen ut China un Korea bestünn. Kim Il-sung, later Staatsbaas vun Noordkorea weer dor as Hauptmann vun en Bataillon vun de Rode Armee statschoneert.

Lüüd ut den Oort ännern

Kim Jong-il, de Föhrer vun Noordkorea is 1941 in Wjatskoje boren, as siene Öllern hier för en Tied Toflucht vör de japaanschen Besetter vun Korea söcht hebbt.


Koordinaten:48° 44′ N, 135° 43′ O