Émile Bouhours
Émile Bouhours (* 3. Juli 1870 in Monnai (Orne); † 7. Oktober 1953 in La Courneuve) weer en franzöösch Radrennfohrer.
Émile Bouhours, in en lütt Oort in de Normandie boren, harr Dischler lehrt, mit en eegen, good loopen Warkstäe, bevör he sück 1889 den Radsport towennen dee. Allerdings harr he all mit 14 Johren sien eerst Radrennen bestreeden un dorbi fiev Francs wunnen.
1894 wurr Bouhours Profi, fung as Fleeger (hüüd Sprinter nömmt) up de Bahn an. Ansluutend wessel he to Straatenrennen un wunn 1900 dat Rennen Paris–Roubaix vör den Düütschen Josef Fischer un Maurice Garin. Later wurr he as Düersamfohrer achter Motorführung (Steher) un wunn dorbi veermal (1897, 1898, 1900 un 1902) de franzöösch Meesterschap. Todem stell he tallriek Weltrekorde in' Bahnradsport up.
1910 hett Bouhours sien sportliche Loopbahn afslooten un hett weer as Dischler arbeit.
Literatur
ännern- Hans Borowik: 300 Rennfahrer in einem Band. Kurzbiographien. Deutscher Schriftenverlag, Berlin 1937.
- Rad-Welt. Sport-Album. Ein radsportliches Jahrbuch. 3. Jahrgang, 1904, Vörlaag:ZDB.
