Óscar Panno

Óscar Roberto Panno (* 17. März 1935 in Buenos Aires) is en argentiensch Schachmeester un en vun de spoodrieksten Schachspeler ut Süüdamerika.

Óscar Panno in dat Johr 1970

Leven

1953, mit 18 Johr, wunn Panno de Landsmeesterschap vun Argentinien un de Jöögsweltmeesterschap. Twee Johr later hett he sück för dat Interzonenturnier in Göteborg qualifizeert, bi de he achter David Bronstein un Paul Keres up Platz 3 keem un sück dormit för dat Kandidatenturnier in Amsterdam, een Johr later. qualifizeeren dee. 1955 wurr he doruphen vun den Weltschachbund FIDE to’n Grootmeester ernannt. Bi dat Kandidatenturnier in Amsterdam 1956 keem he up Platz 9.

Panno, de en börgerlichen Berop nahgung un nie nich Schachprofi wurr, hett noch veermal de Deelnahm an en Interzonenturnier schafft: 1958, 1970, 1973 un 1976, aber so good as 1955 hett he nich weer afsneeden. Spood harr he ok bi anner Turniere: 1958 wunn he in Bogotá vör William Lombardy un Miguel Najdorf. 1971 wunn he tosommen mit Ljubomir Ljubojević in Palma de Mallorca.

Panno weer mehrfak Liddmaat vun de argentiensch Utwahl bei de Schacholympiaden. He speel van 1954 in Amsterdam bi zu Schacholympiade 1992 in Manila insgesamt elfmal för Argentinien. Mit de Mannschap hett he 1954 en Sülvermedaille un 1958 un 1962 twee Bronzemedaillen. In 1966 Havanna keem he up dat best Ergevnis an’t tweet Brett. He wunn de Meesterschap vun Argentinien nochmals 1975 (deelt mit Najdorf) un 1985.

Nah Panno, de sück noch hüüd aktiv Turnierschach speelt, sünd twee Varianten in de Königsindisch Verteidigung nömmt:

• 1. d2-d4 Sg8-f6 2. c2-c4 g7-g6 3. Sb1-c3 Lf8-g7 4. Sg1-f3 d7-d6 5. g2-g3 0-0 6. Lf1-g2 Sb8-c6 7. 0-0 a7-a6 (de Panno-Variante vun dat Fianchetto-System) un
• 1. d2-d4 Sg8-f6 2. c2-c4 g7-g6 3. Sb1-c3 Lf8-g7 4. e2-e4 d7-d6 5. f2-f3 0-0 6. Lc1-e3 Sb8-c6 (de Panno-Variante vun dat Sämisch-System).

Sien aktuell Elo-Tall is 2438 (Stand: Januar 2012). Sien best historsch Elo-Tall weer 2680 in‘ Oktober 1955.

Weblenken

• Óscar Pannos Schachpartien bi chessgames.com (engelsch)