Ünnerafdelen vun Süüdkorea

Süüdkorea is indeelt in acht Provinzen (Do), een besünner autonom Provinz (Teukbyeol Jachido), söss Grootstäder (Gwangyeoksi) un een besünner Stadt (Teukbyeolsi).

De Provinzen sünd wedder ünnerdeelt in Kreise (Do) un in Städer (Si). De Grootstäder sünd ünnerdeelt in Stadtdelen (Gu). De Städer Gwangju, Daejeon un Seoul hebbt blot Stadtdelen, de annern Grootstäder hebbt ok noch Kreise, de mehr an’n Rand vun de Städer liggen doot.

En Kreis warrt automaatsch en Stadt, wenn he mehr as 150.000 Inwahners hett. Wenn de Stadt mehr as 500.000 Inwahners hett, denn is de Stadt in Stadtdelen opdeelt. De Kreise sünd opdeelt in Landstäder (Eup) un in Gemenen (Myeon). En Landstadt mutt opminnst 20.000 Inwahners hebben un en Gemeen opminnst 6.000. Landstäder un Gemenen sünd wedder ünnerdeelt in Dörper (Ri).

Städer mit weniger as 500.000 Inwahners, de Stadtdelen vun Städer mit mehr as 500.000 Inwahners un vun Grootstäder sünd noch wedder opdeelt in Naverschoppen (Dong). En Naverschop kann noch wedder opdeelt wesen in enkelte administrative Naverschoppen. Dat heet eenfach blot, dat de Naverschop mehr as een Amtshuus hett, de elk för en bestimmt Deel vun de Naverschop tostännig sünd.

List ännern

 
Ünnerafdelen vun Süüd-Korea
Nummer in de Koort Naam Status
1 Seoul besünner Stadt
2 Busan Grootstadt
3 Daegu Grootstadt
4 Incheon Grootstadt
5 Gwangju Grootstadt
6 Daejeon Grootstadt
7 Ulsan Grootstadt
8 Gyeonggi Provinz
9 Gangwon Provinz
10 Noord-Chungcheong Provinz
11 Süüd-Chungcheong Provinz
12 Noord-Jeolla Provinz
13 Süüd-Jeolla Provinz
14 Noord-Gyeongsang Provinz
15 Süüd-Gyeongsang Provinz
16 Jeju besünner autonom Provinz