Ünnerafdelen vun Uganda

Uganda is indeelt in 80 Distrikten un veer Regionen. De Regionen hebbt blot statistisch Bedüden, de Verwalten löppt över de Distrikten. Se hebbt jemehr Naams meist all na’n Sitt vun de Verwalten.

De Distrikten sünd ünnerdeelt in alltohoop 146 Kreise, een Stadtkreis (Kampala) un dörteihn Gemenen. De Kreise sünd denn noch wieder ünnerdeelt in Deelkreise un de wedder in Kaspels un Dörper.

Historie

In de Tiet vun vör’n Tweten Weltkrieg bet in de Johren 1960 weer Uganda opdeelt in veer Provinzen (later hebbt de Provinzen denn Regionen heten)^[1]. Disse Provinzen weren Buganda un de Regionen Oost, Noord un West. Denn sünd de Distrikten an de Steed vun de Provinzen treden. Dat geev teihn Distrikten, twee Territorien un veer Königrieken. Dat Territorium Busoga is an’n 28. Mai 1966 en egen Distrikt worrn^[1]. An’n 10. Juni 1966 hebbt se dat Königriek Buganda opdeelt in de veer Distrikten, Bombo, Masaka, Mpigi un Mubende^[1].

Rebeden Enn 1966
Rebeet^[1]	Hööftstadt
Distrikt Acholi	Gulu
Königriek Ankole	Mbarara
Distrikt Bombo	Bombo
Distrikt Bugisu	Mbale
Distrikt Bukedi	Mbale
Königriek Bunyoro	Hoima
Distrikt Busoga	Jinja
Distrikt Karamoja	Moroto
Distrikt Kigezi	Kabale
Distrikt Lango	Lira
Distrikt Madi	Moyo
Distrikt Masaka	Masaka
Territorium Mbale	Mbale
Distrikt Mpigi	Mpigi
Distrikt Mubende	Mubende
Distrikt Sebei	Kapchorwa
Distrikt Teso	Soroti
Königriek Toro	Fort Portal
Distrikt West-Nil	Arua

Mit de ne’e Verfaten vun’n 8. September 1967 sünd vun de dree nablevenen Königrieken Distrikten worrn un dat Territorium Mbale Deel vun’n Distrikt Bugisu. Bombo dee nu Oost-Mengo heten un Mpigi West-Mengo^[1]. In’n April 1971 hett sik Acholi in Oost- un West-Acholi opspleten un Karamoja in Noord- un Süüd-Karamoja^[1].

Uganda mit 45 Distrikten

1974 hebbt se dat Land wedder nee indeelt un vun de 19 Distrikten teihn Provinzen maakt^[1].

Rebeden Enn 1974
Rebeet^[1]	Hööftstadt	billt ut de vörmaligen Rebeden
Busoga	Jinja	Busoga
Zentral	Kampala	West Mengo
Oost	Mbale	Bugisu, Bukedi, Sebei, Teso
Karamoja	Moroto	Karamoja (Noord un Süüd)
Nil	Arua	Madi, West-Acholi (Deel), West-Nil
Noord-Buganda	Bombo	Oost-Mengo, Mubende
Noord	Gulu	Acholi (Oost un Deel vun West), Lango
Süüd-Buganda	Masaka	Masaka
Süüd	Mbarara	Ankole, Kigezi
West	Fort Portal	Bunyoro, Toro

1989 hett de Region Buganda den ne’en Naam Zentral-Region kregen un Uganda hett de Provinzen wedder opgeven un 33 Distrikten opstellt^[1]. 1990 hett sik Kalangala vun Masaka aftrennt un 1991 hebbt sik de Distrikten Kibale (afspleten vun Hoima), Kiboga (vun Mubende), Kisoro (vun Kabale) un Pallisa (vun Tororo) nee billt^[1].

1994 is de Distrikt Ntungamo ut Delen vun Bushenyi un Mbarara nee formt worrn^[1]. Dormit geev dat denn 39 Distrikten.

An’n 20. März 1997 sünd söss ne’e Distrikten opstellt worrn: Adjumani (afspleten vun Moyo), Bugiri (vun Iganga), Busia (vun Tororo), Katakwi (vun Soroti), Nakasongola (vun Luwero) un Sembabule (vun Masaka)^[1].

Uganda mit 56 Distrikten

An’n 28. November 2000 geev dat denn de nächste Runn ne’e Distrikten. Ölven Stück hebbt se nee opstellt: Kamwenge (afspleten vun Kabarole), Kayunga (vun Mukono), Kyenjojo (vun Kabarole), Mayuge (vun Iganga), Pader (vun Kitgum), Sironko (vun Mbale), Wakiso (vun Mpigi) un Yumbe (vun Arua) sünd trüchwarts keken to’n 1. Juli 2000 inricht worrn un Kaberamaido (vun Soroti), Kanungu (vun Rukungiri) un Nakapiripirit (vun Moroto) för’n 1. Juli 2001^[1].

An’n 1. Juli 2005 kemen wedder veerteihn ne’e Distrikten dorto. Amolatar (afspleten vun Lira), Amuria (vun Katakwi), Budaka (vun Pallisa), Bukwa (vun Kapchorwa), Butaleja (vun Tororo), Ibanda (vun Mbarara), Kaabong (vun Kotido), Kabingo (vun Mbarara), Kaliro (vun Kamuli), Kiruhura (vun Mbarara), Koboko (vun Arua), Manafwa (vun Mbale), Mityana (vun Mubende) un Nakaseke (vun Luwero)^[1].

Ok an’n 1. Juli 2006 geev dat wedder söven ne’e Distrikten: Abim (afspleten vun Kotido), Bulisa (vun Masindi), Busiki (vun Iganga), Dokolo (vun Lira), Amuru (vun Gulu), Maracha (vun Arua), Oyam (vun Apac)^[1].

Ünnerafdelen vun Uganda

Historie

List

Distrikten

Kreise

Deelkreise

Footnoten