Achemerfeld
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 28832 | |
| Vörwahl: | 04202 | |
| Geograafsche Laag: | Koordinaten:53° 1′ N, 9° 3′ O53° 1′ N, 9° 3′ O | |
|
| ||
Achemerfeld (hoochdüütsch Achimerfelde) is en lütten Oort in de Gemeen Achem in’n Landkreis Veern, Neddersassen.
De Oort höört al von öllers bi Achem mit bi un besteiht ut twee Delen. De een Deel is Achemerfeld bi Bössel an de Bösseler Hauptstraat un de annere Achemerfeld bi Haßel an de Haaßler Straat/Zeppelinstraat. Achemerfeld bi Haßel is vondaag al kumplett Deel von Achem worrn un dor is vondaag nix mehr von to marken, dat dat maal en egen lütten Oortsdeel weer.
Geografie ännern
Dat Rebeed liggt op de Achem-Veerner Geest. Dat Water flütt över Gravens na Emßer un Bassener Möhlengraven un na de Wümm hen af.
De Naveröörd sünd Laoheid un Bössel in’n Noorden, Bauerholt, Üserfinien un Üserschaapkoven in’n Süüdoosten, Haßel un Achem in’n Süden, Achemerbrook un Emßerbrook in’n Westen un Emßen in’n Noordwesten.
Historie ännern
In de Johren 1960 is twüschen de beiden Delen von Achemerfeld dör de Autobahn 27 boot worrn.
Verwaltungsgeschicht ännern
De Oort hett vör 1852 to de Westvaagdie von dat Gogericht Achem tohöört un denn von 1852 bet 1885 to dat Amt Achem. Na 1885 weer dat in’n Kreis Achem, de 1932 Deel von’n Kreis Veern worrn is.
De Oort weer von öllers Deel von de Gemeen Achem. De Gemeen Achem is an’n 1. Juli 1972 mit de Gemeenreform in Neddersassen nochmaal düüdlich vergröttert worrn.
Inwahnertall ännern
| Johr | Inwahners |
|---|---|
| 1. Dezember 1871[1] | 5 Lüüd, 2 Hüüs |
| 1. Dezember 1885[2] | 15 Lüüd, 3 Hüüs |
bi Bössel:
| Johr | Inwahners |
|---|---|
| 1. Dezember 1905[3] | 11 Lüüd, 3 Hüüs |
bi Haßel:
| Johr | Inwahners |
|---|---|
| 1. Dezember 1905[4] | 14 Lüüd, 2 Hüüs |
Religion ännern
Achemerfeld is evangeelsch-luthersch präägt un höört to dat Kaspel von de Laurentius-Kark in Achem.
Weertschop un Infrastruktur ännern
Verkehr ännern
Achemerfeld is över de Bösseler Hauptstraat anbunnen an Bössel, an dat Zentrum von Achem un an de Landsstraten L 167, L 158 un L 156.
De nächste Autobahn is de Autobahn 27 (Afsnidd Bremen–Wasra). De Opfohrt 23 Achem-Noord liggt so twee Kilometer in’n Westen von Achemerfeld an de L 167 un de Opfohrt 24 Achem-Oost twee Kilometer in’n Oosten an de L 156.
De nächste Bahnhoff is so bi twee Kilometer wied weg in’n Süüdwesten de Bahnhoff Achem an de Bahnlien Bremen–Wunsdörp.
Footnoten ännern
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 164
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 176
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 2
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 2