Achille Guenée

Achille Guenée (* 1. Januar 1809 in Chartres; † 30. Dezember 1880 in Châteaudun) weer en franzöösch Afkaat, Entomoloog un Lepidopteroloog, de sück up Bottervagels un hier up Nachtfalter spezialiseert hett.

Leven

Guenée hett all in de Jöögd in Chartres en Interesse för Bottervagels entwickelt, fördert vun François de Villiers (1790–1847). He hett in Paris Jura studeert un weer dornah dor Afkaat. Nah den Dood vun sien eenzig Söhn is he nah Châteaudun. Sien Besitt wurr in den Düütsch -franzööschen Krieg verneelt, sien Bottervagelsammlung bleev aber heel un erhollen.

He hett en Monographie över Noctuidae (Uulenfalter) schreven. Deelwies hett he ok mit Philogène Auguste Joseph Duponchel wat herutbrocht. En Reeg vun Taxa wurrn vun hüm eerstmals beschreven to’n Bispeel Idaea subsaturata, Achaea catocaloides, Hedylidae,

1832 weer he Grünnensliddmaat vun de Société Entomologique de France un 1848 deren Präsident un af 1874 Ehrenliddmaat.

Schriften

Species des nocturnes, 6 Bände, 1852 bis 1857 (in de Reeg Suites à Buffon)
mit Jean Baptiste Boisduval: Histoire naturelle des Insectes. Species général des Lépidoptères, Bände 5 bis 10, 1826 bis 1857, Biodiversity Library

Literatur

Jean Gouillard: History of the French entomologists, 1750–1950, Paris: Boubée 2004
Jean Lhoste: French Entomologists. 1750–1950. INRA Editions, 1987

Weblinks

Bi’n Wikiborn gifft dat Originalschriften över dat Thema oder vun den Schriever: Guinée: Les Entomologistes peints par eux-mêmes, Recueil des Travaux de la Societé libre de l'Eure, 1842.