Adolf Hagemann
Adolf Hagemann (* 24. Juli 1855 in Ossenbrügge; † 7. Dezember 1908 in Bremerhoben) weer en düütschen Verwaltungsbeamten.
Hagemann is 1855 in Ossenbrügge boren.[1] He hett an’n 8. März 1876 op dat Raadsgymnasium Ossenbrügge dat Abitur maakt un denn Juristeree studeert.[2] Na dat Studium weer he Avkaat in Ossenbrügge un korte Tied Börgermeester von Quokenbrügge.
He is 1890 as Nafolger von Hermann Gebhard Stadtdirekter von Bremerhoben worrn. Dat weer he bet to sien Dood 1908. Na em hett Erich Koch dat Amt övernahmen.