Agatho (Paapst)
Agatho († 10. Januar 681 in Rom) weer Papst van 678 bit 681. Sien Naam bedüüd „de Goode“ (greeksch).
He stamm ut Sizilien un wurr Mönk. De Legende nah hett he dree Johr lang en Steen in‘ Mund dragen, um swiegen to leern.
An 27. Juni 678 wurr he de Nahfolger vun Paapst Donus un hett de sien Politik fortsett. So hett he dat schafft, de Stadt Ravenna, de siet 666 unafhängig weer, weer ünner de Hoheit vun de Paapsten to bringen. Wichtigst Begevenheit vun sien Pontifikat weer de Beendigung vun den Monotheletismus-Striet up dat 3. Konzil vun Konstantinopel.
Kaiser Konstantin IV. hett den Paapst in‘ August 678 nah Konstantinopel inlaaden. Agatho weer bereit, de Inlaaden vun de Kaiser to folgen, un hett sück mit verscheeden Karkengelehrten beraden, um en eenheitlich Positschoon vun de Westkark to schaffen.
De Kaiserhof wies sück to dat Veroordeelen vun den Monotheletismus bereit, wat in eerst Lien doran leeg, dat de Deelen vun dat Riek, in de de Glovensricht an‘ starksten verbreedt weer (Ägypten, Palästina un Syrien), dör Erobern an de Araber verloren gahn weern. Konstantin hett deshalb seggt, dat dogmatisch Diskussionen ut dissen Grund unnütz wurrn weern.
In‘ März 680 hebbt de Paapst un 150 Bischopen de Lehr vun den Monotheletismus för falsch verklort. Up dat 6. Ökumenisch Konzil (van 7. November 680 bit to’n 16. September 681 ünner den Vörsitt vun Kaiser Konstantin IV. in‘ kaiserlichen Palast vun Konstantinopel) wurr ok Paapst Honorius I., de as Initiator vun den ganzen Striet gull, verdammt.
Noch vör dat Enn‘ vun dat Konzil is Paapst Agatho an‘ 10. Januar 681 in Rom storven.
De kathoolsch Kark hett as Gedenkdag för den Paapst Agatho de 10. Januar, de orthodoxe Kark den 20. Februar.
Papst Agatho ssull man nich verwesseln mit den koptischen Paapst Agatho vun Alexandria (654 bit 673).
Literatur ännern
- E. Gorys: Lexikon der Heiligen. 1997
- Indrag to de Person in dat Biograafsch-Bibliograafsch Karkenlexikon (hoochdüütsch)
Weblenken ännern
- Indrag in de Catholic Encyclopedia (engelsch, Utgaav 1913)
- Indrag in dat Hilligenlexikon
- DNB-Katalog
- Personennaamdatei
| Vörgänger | Amt | Nafolger |
| Donus | Paapst 678 - 681 |
Leo II. |