Air Force One (Film)
Air Force One (op plattdüütsch so veel as „Luftwapen Een“) is de Titel vun en Thriller ut dat Johr 1997 vun den Speelbaas Wolfgang Petersen. De Film weer mit naamhafte Schauspelers besett, de Hööftrullen spelen Harrison Ford un Gary Oldman.
| Filmdaten | |
|---|---|
| Plattdüütsch Titel: | — |
| Originaltitel: | Air Force One |
| Düütsch Titel: | Air Force One |
| Produkschoonsland: | Vereenigte Staten |
| Johr vun’t Rutkamen: | 1997 |
| Läng: | 124 Minuten |
| Originalspraak: | Engelsch |
| Öllersfreegaav in Düütschland: | FSK 16 |
| Filmkru | |
| Speelbaas: | Wolfgang Petersen |
| Dreihbook: | Andrew W. Marlowe |
| Produkschoon: | Armyan Bernstein Gail Katz Wolfgang Petersen Jon Shestack |
| Musik: | Jerry Goldsmith |
| Kamera: | Michael Ballhaus |
| Snitt: | Richard Francis-Bruce |
| Szenenbild: | William Sandell |
| Kledaasch: | Erica Edell Phillips |
| Dorstellers | |
| |
Inholt
ännernJames Marshall, de Präsident vun de USA, hett in’n Tosamenhang mit en ne’e Terrorismuspolitik mit Hülp vun Russland den Diktater General Ivan Radek in Haft bringen künnt, de in de fröheren Sowjetrepubliek Kasachstan an Macht wunnen harr. En poor Gefolgslüüd vun Radek sliekt sik dorophen in de Air Force One, in un bringt den Fleger in jemehr Gewalt. Ünnerstütt warrt se dorbi vun en Verrader ut de Regen vun’n United States Secret Service, de jem Togang to de Wapen an Boord besorgt. As de Situatschoon bekannt warrt, verseggt sik de Präsident aver, sik in en Nootfallkapsel in Sekerheit to bringen. He verstickt sik an Boord, vun wegen dat he nich ahn sien Familie ut den Fleger verswinnen will. He versöcht de Terroristen to överraschen un ünner to kriegen.
An’n düütschen Luftwapenstüttpunkt Ramstein Air Base warrt de Maschien nootlannt, man de Terroristen dringt in dat Cockpit vör, bringt de Flegers üm un övernehmt sülvst de Kontrolle över de Maschien. In en spektakulär Manöver kriegt se ehr wedder in de Luft, wobi se meist en annern Fleger rammen doot. Se slaht den Kurs Richtung Kasachstan in. De Terroristen mellt sik in’t Witte Huus un vertellt de Viez-Präsidentsche, wat se verlangen doot: General Radek schall foorts wedder freelaten warrn, anners drauht se jede halve Stünn en Börg hentorichten. Dat eerste Opper is de natschonale Sekerheitsberader Doherty. As de Maschien later in de Luft dör en KC-10 Extender betankt warrn mutt, nütt en poor vun de Börgen de Mööglichkeit den Fleger över de Ladeflach to verlaten. Man, de Terroristen kriegt dat mit un sprengt de Döör na den Laderuum. Dör den Ünnerdruck kummt de Fleger in’t Trudeln, wobi de Tankfleger exploderen deit. De Air Force One kummt in letzte Sekunn weg.
De US-amerikaansche Regeren sorgt nu doröfr, dat General Radek freelaten warrt. To de glieken Tiet aver, kann de Präsident an Boord de Terroristen överwinnen. Radek schall dorophen doch nich mehr freelaten warrn, versöcht aver uttoneihn. Dorbi warrt he vun en Sekerheitsbeamten dootschaten. De Air Force One warrt nu vun feendliche Affangjagers (MiG-29) angrepen, de to Radek sien Strietmacht höört. F-15-Jagers vun de US Air Force kamt aver rechttietig to Hülp un künnt mehrere vun de feendlichen Maschienen afscheten. Aver ok de Air Force One hett wat afkregen, also mutt de Präsident mit sien Familie in en utermatig riskante Akschoon in en Transportfleger ümstiegen. Agent Gibbs wiest in disse Situatschoon eerstmols sien wohr Gesicht as he Major Caldwell un en Suldaten ümbringen deit. De Präsident mutt mit Gibbs üm de letzte Mööglichkeit kämpen doch noch in den Transportfleger to kamen. De Präsident winnt. Kort later geiht de Air Force One in de Kaspische See daal, man as Präsident Marshall nu an Boord vun den Transportfleger is, warrt dorut nu de ne’e Air Force One.
Kritik
ännern- James Berardinelli meen op ReelViews, dat de Film em övertüügt harr, dat Wolfgang Petersen de beste Speelbaas vun sien Tiet weer för Thirller un Actionfilmen. Petersen künn ut en bescheden Utgangsbasis – woneem dat idiootsche Dreihbook höört – veel maken. De Präsident weer vun Harrison mit Charisma dorstellt, man ok to goot üm wohr to wesen. He richt sik na ethische Grundsätz, wat as „fantastisch“ betekent weer. Dat Speel vun Oldman un Ford weer loovt[1].
- Michael Haneke weer in en Interview kritisch un beteken den Film as en slimm Propaganda-Wark. Man, en dat so goot maakt weer, dat de Tokiekers gor nich marken deen, dat dat en politischen Film weer, man dat se denken, dat weer en feinen Actionfilm[2].
- In de Cinema stünn to lesen, dat sik Petersen mit den Film nich an de Hollywood-Konventschonen anpasst, man ünnerordent harr. Mehr noch, weer de Film de vullstännige Ümkehr vun sien Mehrdeeler Das Boot, en flegen Wessel na de Fahnen. Wiel he mit Das Boot dat Holle vun’t Heldendom un Vadderlandsgedöns dorstell, harr he mit dissen Film de Hacken tosamenslahn. De Film bleev en Argenis ofschoonst he handwarklich perfekt weer un solide Spannung bröch. Dat de dorbi ok nich hülpen, dat de Film mitünner so doon de, as weer de Motivatschoon vun den legen Korshunov moralisch to verstahn oder legitim[3]
- Dat Lexikon vun’n internatschonalen Film schreev, dat de Film dör handwarklich akkerate un dramaturgisch dörkalkuleerte Regie en överdörsnittlich Niveau in’t Genre vun’n Actionfilm wies, ofschoonst he sik op de Even vun en politische Sepenoper beweeg un vull vun Comic-Strip-Elementen weer. Rutkamen weer dorbi spannende, wenn ok bannig fantastische Ünnerholen[4]
Utteken
ännernAir Force One weer tohopen för achtteihn Filmpriesen vörslahn, dorünner ok tweemol för den Oscar in de Kategorien Best Snitt un Best Toon. Uttekent weer de Film mit söven Priesen:
- 1997: mit den Bogey Award
- 1997: mit den Bambi in de Kategorie Film – Internatschonal för Harrison Ford
- 1997: mit den Bambi in de Kategorie Speelbaas för Wolfgang Petersen
- 1998: mit den ASCAP Award in de Kategorie Top Box Office Films för Joel McNeely
- 1998: mit den BMI Film Music Award för Jerry Goldsmith
- 1998: mit den Blockbuster Entertainment Award in de Kategorie 'Leefste Nevendorstellersche för Glenn Close
- 1998: mit den COLA-Award in de Kategorie Produkschoonsfirma vun’t Johr för Sony Pictures Entertainment
Borns
ännern- ↑ Filmkritik von James Berardinelli
- ↑ Wir sehen in Wirklichkeit nur manipulierte Bilder
- ↑ Air Force One (Film) auf cinema.de
- ↑ Kritik in’t Lexikon vun’n internatschonalen Film
Weblenken
ännern- Air Force One in de Internet Movie Database (engelsch)
- Kritiken to’n Film op Rotten Tomatoes
- Vergliek vun de Snittfaten Kabel1 (af 12) – FSK 16 op Schnittberichte.com