Hauptmenü öffnen

Alberto Berasategui (* 28. Juni 1973 in Bilbao) is en ehmalger spaansch Tennisspeler.

He fung mit söben Johr an, Tennis to spelen un wurr 1991 europäisch Meester vun de Jöögd. In dat glieker Johr wurr he Profi un wunn twee Johr later in São Paulo sien eersten Eenzeltitel. In de fröh 1990er Johren stunn de Sandplatzspezialist in de Weltspitz.

1994 weer sien best Johr as Tennisspeler. He reck negen Endsspelen un kunn dorvan söben winnen. In dat eenzig Grand-Slam-Endspeel in sien Loopbahn, dat Finale vun de French Open, muss he gegen sien Landsmann Sergi Bruguera spelen un verlor in veer Satzen.

In sien Karriere kunn he veerteihn Eenzeltitel un een Düppeltitel winnen. Sien letzten Titel wunn he 1998 in Estoril. Sien hööchst Platzeeren in de Weltranglist weer Positschoon 7 in' November 1994. Sien Davis Cup-Bilanz weer utgleeken. Bi 4 Insatzen wunn he tweemal wunnen un verlor ok tweemal.

Dat Markenteken vun Berasategui weer sien unkonventschonell Vörhand, de he mit den sülvigen Greep speel as sien Rückhand.

WeblenkenÄnnern