Alexander Alexandrowitsch Missurkin
Alexander Alexandrowitsch Missurkin (russisch Александр Александрович Мисуркин Aleksandr Aleksandrovič Misurkin; * 23. September 1977 in Jerschitschi, Oblast Smolensk, Russische SFSR) is en ehmalger russisch Kosmonaut.
Kosmonautentätigkeit
ännernVun August 2009 bit Februar 2011 hett he en Training för de ISS maakt. Siet Januar 2011 hett he för de ISS-33/34 Mission un de Sojus TMA-M as Bordingenieur traineert, wiel he bi de Mission Sojus TMA-06M in de Ersatzmannschap indeelt weer.
_Alexander_Misurkin.jpg)
To sien eersten Langtietfloog is Missurkin an‘n 28. März 2013 upbraken. He is mit dat Ruumschipp Sojus TMA-08M tosommen mit den Kommandanten Pawel Wladimirowitsch Winogradow un Christopher John Cassidy to de ISS flagen.He hett do ras Bordingenieur vun de ISS-Expeditschonen 35 un 36 arbeit. An Bord weern dor all Chris Austin Hadfield, Thomas Henry Marshburn un Roman Jurjewitsch Romanenko, de den nahderhen aflöst wurrn dör Karen Lujean Nyberg, Fjodor Nikolajewitsch Jurtschichin un Luca Parmitano. An’n 24. Juni 2013 hett Missurkin sien eersten Butenbordinsatz tosommen mit Fjodor Jurtschichin harrt. De bei hemm Wartungsarbeiten an dat Köhlsystem vun dat russisch Segment vun de ISS vörnommen. Buterdem hemm se Klammern för Stroomkabel för dat tokünftige Modul Nauka monteert.[1][2][3] Missurkin un Jurtschichin hemm ok twee wetenschaplich Experimente in de ISS torüchhaalt un en nee an dat Butere vun de Statschoon anbrocht.[4] An’n 11. September 2013 is de Mannschap weer to de Eer torüch ween. In’n August 2016 wurr he as Held der Russischen Föderation un Fliegerkosmonaut der Russischen Föderation uttekent.[5]
An‘n 12. September 2017 is Missurkin as Kommandant vun dat Ruumschipp Sojus MS-06 to sien tweet Mission flagen. Tosommen mit Mark Vande Hei un Joseph Acaba hörr he tonächst de ISS-Expedition 53 (gemeensam mit Randolph James Bresnik, Sergei Nikolajewitsch Rjasanski un Paolo Nespoli an. An‘n 14. Dezember övernehm he dat Kommando vun de Expedition 54, to de denn af 19. Dezember noch Anton Nikolajewitsch Schkaplerow, Norishige Kanai un Scott David Tingle keemen. Ok bi disse Mission harr he weer en Butenbordinsatz gemeensam mit Schkaplerow. De Landung tosommen mit Vande Hei und Acaba weer an’n 28. Februar 2018.
Sien dart Ruumfloog fung an’n 8. Dezember 2021 an. As Kommandant vun dat Ruumschipp Sojus MS-20 hett he de beid japaansch Weltruumtouristen Yusaku Maezawa un Yozo Hirano to de ISS brocht. Dor weern to de Tiet Anton Schkaplerow, Raja Chari, Thomas Henry Marshburn, Matthias Maurer un Kayla Jane Sax Barron. De Rückkehr vun hüm un de beid Japaner weer an’n 20. Dezember 2021.
An’n 31. März 2022 is he ut den Kosmonautenkorps vun Roskosmos utscheeden.[6]. Insgesamt hett he över 346 Daag in’n Weltruum verbrocht.
Leven
ännernAlexander Missurkin is verheiraadt un hett twee Kinner.
Weblinks
ännern
Alexander Missurkin. Mehr Biller, Videos oder Audiodateien to’t Thema gifft dat bi Wikimedia Commons.
Enkeld Nahwiesen
ännern- ↑ Programmes in Progress. In: ESA Bulletin Nr. 157. Februar 2014, afropen an’n 25. Mai 2016 (engelsch).
- ↑ FGB-2/MLM. Russian Space Web, 19. Januar 2017, afropen an’n 22. März 2017 (engelsch).
- ↑ Anatoly Zak: Russian engineers tackle problems with the MLM Nauka module. a: The launch of the MLM module advanced to 2018 bzw. b: MLM launch schedule gets official OK. In: russianspaceweb.com. Anatoly Zak, 12. Dezember 2017, afropen an’n 9. Januar 2018 (engelsch).
- ↑ Cosmonauts Complete Spacewalk to Prepare Station for New Russian Lab. NASA, 24. Juni 2013, afropen an’n 28. Juni 2013 (engelsch).
- ↑ Erlass des Präsidenten der Russischen Föderation vom 26. August 2016 N 432 „Über die Auszeichnung mit den staatlichen Auszeichnungen der Russischen Föderation“ (russisch, publication.pravo.gov.ru).
- ↑ Rosksmos: Александр Мисуркин завершает свою деятельность в отряде космонавтов Роскосмоса. 31. März 2022, afropen an’n 19. April 2022 (russ’sch).