Alexander Michailowitsch Samokutjajew
Alexander Michailowitsch Samokutjajew (russisch: Александр Михайлович Самокутяев; * 13. März 1970 in Pensa, Oblast Pensa, Russische SFSR) is en ehmalger russisch Kosmonaut.
Militärisch Utbillen
ännernSamokutjajew hett 1992 de Pilotenschool Tschernihiw as Pilot-Ingenieur afslooten un floog Wilga 35A, L-13 Blanik, Aero L-39 un Suchoi Su-24. He deen in de russisch Luftwappen in den Militärbezirk Fernost un kann 680 Floogstünnen as ok 250 Fallschermsprünge nahwiesen. To sien wiedere Fähigkeiten tell qualifizeert Düüken. Buterdem weer he stellvertreden Geschwaderkommandeur un hett gegenwärtig den Rang vun en Oberst vun de Russisch Luftstrietkräfte in‘ Ruhestand inne.[1] In de Johren 1998 bit 2000 studeer he an de Gagarin-Militärakademie vun de Luftstrietkräfte in Monino, dornah wurr he to’n Gruppenleiter in dat Gagarin-Kosmonautentrainingszentrum beropen.
Ruumfohrertätigkeit
ännernAn‘ 29. Mai 2003 wurr Samokutjajew as Kandidat vun dat Kosmonautentrainingszentrum utwählt, sien Kosmonauten-Grundutbillen hett he in‘ Juni 2005 mit Utteknung aufslooten. Bit November 2008 folg wieder ISS-Training. Sietdem befunn he sück in‘ Training för en Langtietupenholt up de Internatschonale Ruumstatschoon, ünner annern weer he Ersatzmann för Alexander Skworzow as Kommandant vun dat Ruumschipp Sojus TMA-18 to de ISS.
Samokutjajew weer Bordingenieur vun de Expeditschonen 27 un 28.[2] He is an‘ 4. April 2011 (Oortstiet in Baikonur: 5. April) tosommen mit Andrei Borissenko un Ronald Garan as Kommandant vun dat Ruumschipp Sojus TMA-21 start un is an‘ 16. September 2011 weer lannd.[3] Tosommen mit de ISS-Liddmaaten Dmitri Jurjewitsch Kondratjew, Catherine Grace Coleman un Paolo Nespoli billen se tonächst de ISS-Expeditschoon 27. Nahdem de dree weer lannd weern, bill sien Crew gemeensam mit Sergei Alexandrowitsch Wolkow, Michael Edward Fossum und Satoshi Furukawa de ISS-Expeditschoon 28.
Samokutjajew wurr dornah as Bordingenieur vun de ISS-Expeditschonen 41 un 42 nomineert. As Kommandant vun dat Ruumschipp Sojus TMA-14M flog he an‘ 25. September 2014 tosommen mit Jelena Olegowna Serowa un Barry Eugene Wilmore to de Internatschonale Ruumstatschoon, wo all de ISS-41 Mannschap, bestahn ut Maxim Wiktorowitsch Surajew, Gregory Reid Wiseman un den Düütschen Alexander Gerst weer. Nahdem de weer torüchflagen weern, hemm de Ruumfohrer Anton Nikolajewitsch Schkaplerow, Samantha Cristoforetti un Terry Wayne Virts tosommen mit Samokutjajew un sien Crew de ISS-Expeditschoon 42 bild. Die Crew um Samokutjajew floog an‘ 12. März 2015 weer torüch. He hett somit en Weltruumerfohrung vun 331 Daag, 11 Stünnen un 23 Minüüten.
To’n 28. April 2017 is he ut gesundheitlich Grünnen ut dat Kosmonautenkorps utscheeden.
Ehrungen
ännern- Held vun de Russisch Föderatschoon (25. Juni 2012)
- Flegerkosmonaut vun de Russisch Föderatschoon (25. Juni 2012)
- Verdeenstorden för dat Vaderland 4. Klasse (15. Februar 2016)
Privates
ännernAlexander Samokutjajew is verheiraadt un hett een Dochter.
Enkeld Nahwiesen
ännern- ↑ RSC «ENERGIA»: [1] Aleksandr Mikhailovich SAMOKUTYAEV (engelsch) van‘ März 2014, afropen an‘ 29. September 2014
- ↑ NASA: [2] NASA and its International Partners Assign Space Station Crews, Release 09-233 van‘ 7. Oktober 2009, afropen an’ 2. September 2010 (engelsch)
- ↑ RIA Novosti: [3] (engelsch) Russia's Soyuz TMA-21 with new ISS crew launched from Baikonur, afropen an’ 7. April 2011
Weblenken
ännern
Aleksandr Samokutyayev. Mehr Biller, Videos oder Audiodateien to’t Thema gifft dat bi Wikimedia Commons.
- Spacefacts.de: Kurzbiografie
- NASA: Biografie (englisch)
- Astronaut.ru Biografie (russisch)