Alison Grant Harcourt (* 24. November 1929 in Colac, Victoria[1]) is en austraalsch Mathematikerin un Wertschapswetenschaplerin. Se hett gemeensam mit Ailsa Land dat Branch-and-Bound-Paradigma in den Beriek Operations Research utklamüstert.[2]

Alison Harcourt

Leven ännern

Harcourt (dormals noch Doig) hett 1948 an de Universität Melbourne en Bachelorstudium in Mathematik un 1950 en Bachelorstudium vun de Physik afslooten, an dat sück en Masterstudium vun de Statistik ansluuten dee.[1] Se hett de ganztahlig lineare Optimierung entwickelt.[1] Up de Grundlaag vun disse Arbeit hett se Enn’n vun de 1950er Johren en Stäe an de London School of Economics antreeden.[1] 1963 kehr se weer nah Melbourne torüch, üm dor en Stäe as Senior Lecturer in de Afdeelen för Statistik antonehmen.[1] Midden vun de 1960er-Johren hett se gemeensam mit den Soziologen Ronald Henderson an de Afschätzen an dat Utmaat vun de Armoot in Australien arbeit.[1] Se is mit Richard Harcourt verheiraadt un hett twee Kinner.[1]

Wirken ännern

Wiels hör Loopbahn as Wetenschaplerin hett Harcourt bedüüdend Bidrääg to de Entwicklung vun de Statistik leist.[1] Dat vun Harcourt (dormals Alison Doig) gemeensam mit Ailsa Land 1960 entwickelte Branch-and-Bound-Paradigma hett de mathematische Programmeerung revolutschoneert un wurr later to en fast Bestanddeel vun Universitätskursen in Mathematik, Informatik un Statistik un wurrd in de Berieken Ingenieurwesen, Logistik un Militär bit vandaag insett.[3]

Enkeld Nahwiesen ännern

  1. a b c d e f g h Alison Grant Harcourt. Graduate Women Victoria. Abruf: 2. November 2021. https://gradwomenvic.org.au/wp-content/uploads/2015/12/Alison-Harcourt.pdf
  2. A. H. Land and A. G. Doig. An automatic method of solving discrete programming problems. In: Econometrica, Jg. 28 (1960), Nr. 3, 497–520, doi:10.2307/1910129.
  3. Georgina Ferry: Ailsa Land obituary. In: theguardian.com. 30. Juni 2021, afropen an’n 2. November 2021 (engelsch).