De Amanda is en 25 m hoge Windmöhl in Schregenmoor.

Luftbild von de Möhl (2013)

De eerste Windmöhl in Schregenmoor is 1853 boot worrn. Disse Möhl is aver 1874 un 1896 twee Maal dör Blitzslag afbrennt. 1896 is denn de hüdige Galeriehollanner mit fiev Stockwarken (dorvon een ünner de Galerie) boot worrn. De Ünnerbo is achtkantig un de Möhl hett twee Mahlgäng.

1945 hett de Möhl ünner den Besitter Robert Schultz en Elektromotoor kregen. Von de Johren 1950 af an is de Möhl denn aver blots noch privaat bruukt worrn. In de Tied von 1972 bet 1991 hebbt de Besitter, de Gemeen Düünbeudel un de Landkreis Stood sik insett, de Möhl instand to setten. 1993 hett sik de Möhlen- un Heimaatvereen Düünbeudel-Schregenmoor grünnt un 1997 hett de Familie Saborowski de Windmöhl övernahmen. Bi de Möhl staht ok en Möhlenschüün un en Backhuus. An’n Düütschen Möhlendag 2001 is de Möhl denn op den Naam Amanda döfft worrn.

Weblenken ännern


Koordinaten:53° 36′ N, 9° 23′ O