De Amorbagen oder ok Kupidobagen is de lütte Bucht in’e Midd vun’e Böverlipp. In’n wieden Sinn is dat ok de ganze Böverkant vun de Lipp, de vun de Form her utsüht as en Bagen. De Naam kummt vun de röömschen Gödder Amor (Godd vun de Leevd) un Cupido (Godd vun de Lust). Dat kummt dorvun, dat de Lippen, as Instrument för dat Küssen, as besünners sinnlich Körperdeel ansehn warrt. De Bagen is de Steed, an de de Lipp op dat Philtrum drippt.

1: Böverlipp, 2: Ünnerlipp, 3: Mundwinkel, 4: Amorbagen

Bi welk Fehlbildungen, to’n Bispeel dör dat fetale Alkoholsyndrom, kann de Amorbagen ganz fehlen.