Anatoli Wiktorowitsch Schdanowitsch

Anatoli Wiktorowitsch Schdanowitsch (russisch: Анатолий Викторович Жданович; * 23. Dezember 1961 in Nowosibirsk, Sowjetunion) is en ehmalger sowjeetsch Biathlet un hüüd Biathlontrainer.

Karriere

Anatoli Schdanowitsch weer in de laat 1980er Johren Liddmaat vun de sowjeetsch Biathlonnatschonalmannschap un is to dat Enn' vun sien Loopbahn för dat Vereente Team antreeden. Bi Biathlon-Weltmeesterschapen wunn he dree Medaillen, de eerste noch för de Sowjetunion 1990 in Minsk, as he Bronze in' Eenzel achter Waleri Medwedzew un Sergei Tschepikow recken dee. Dat bleev aber ok sien eenzige Medaille in en Individualwettbewarf. Een Johr later wurr he in Lahti Dart in de Mannschap, gemeensam mit Sergei Tarassow, Sergei Tschepikow un Waleri Medwedzew för dat Vereente Team startend. Sien gröttsten internatschonalen Erfolg fier Schdanowitsch bi de Biathlon-Weltmeesterschapen 1992 in sien Heimat Nowosibirsk. Gemeensam mit Jauhen Redskin, Alexander Tropnikow un Alexander Popow wunn he in' Mannschapswettkamp de Goldmedaille.

Ok natschonal kunn Schdanowitsch Erfolge vörwiesen, he weer 1987 sowjeetsch Meester mit de Militärpatrouillenstaffel un 1988 mit de Biathlonstaffel, dorneben noch dreemal Dart mit de Staffel (1985–1987). He leit de Kinner- un Jöögdschool Lokomotive för Biathlon in Nowosibirsk. Sien Söhn Konstantin is ok Biathlet.

Weblenken

• Anatoli Schdanowitsch up infosport.r (russisch)
• Анатолий Жданович: «За два дня соревнования должны посетить примерно 15 тысяч болельщиков» (Anatoli Schdanowitsch: «Der Wettbewerb sollte an zwei Tagen 15000 Besucher anziehen», russisch)