André Greipel
André Greipel (* 16. Juli 1982 in Rostock) is en ehmalger düütsch Radrennfohrer. He hörr to de best Sprinter van de Welt, weer aber ok in de Bargen noch so stark, dat he to’n Bispeel bi de Tour de France ok immer dörfohren kann un nich rutnommen wurr. Af de Saison 2002 weer he Profi.
Loopbahn ännern
Nah eenig Siegen in den Junioren-Beriek wessel he 2006 to dat T-Mobile-Team, mit dat he twee Deelstreckensiege bi de Rhienland-Palz-Rundfohrt recken dee. Bi de Vuelta a España in dat glieker Johr muss he sück in’n Sprint van de sösste Deelstreck blots den Norweger Thor Hushovd slahn geven.
Bi de Tour Down Under 2008 wunn he veer Deelstrecken un dat Uptaktkriterium van de Rundfohrt, de he denn ok wunnen hett. Bi de Vuelta a España van dat Johr 2009 wunn he dree Deelstrecken un de Punktewertung und dat Johr dorup wunn he weer de Tour Down Under un dorbi ok noch dree Deelstrecken. Ok bi den Giro d’Italia kunn he een Deelstreck up sien Naam schrieven.
2011, nu för Omega Pharma-Lotto an’n Start, nehm he dat eerste Mal an de Tour de France deel un wunn dor in’n Teelsprint van de 10. Deelstreck gegen Mark Cavendish. Dormit harr Greipel bi all groot Rundfohrten (Giro, Tour und Vuelta) Deelstrecken wunnen. Ok in de Folgejohren bit 2016 hett he bi de Tour immer Deelstreckensiege haalt.
An de Olympisch Sömmerspelen 2012 hett he ok deelnommen, aber kien Medaille wunnen. 2021 hett he sien Loopbahn afslooten.
Wat he schafft hett (Uttogg) ännern
- 2008 People’s Choice Classic
- 2009 Tour Down Under
- 2009 Paris–Bourges
- 2010 Tour Down Under
- 2012 People’s Choice Classic
- 2013 People’s Choice Classic
- 2013 Paris–Brüssel
- 2014 Paris–Brüssel
- 2014 Grote Prijs Jef Scherens
- 2014 Sparkassen Münsterland Giro