André Réwéliotty

André Réwéliotty (* 30. April 1929 in Paris; † 24. Juli 1962) weer en franzöösch Jazzmusiker (Klarinette) un Bandleader, de vör allen dör sien Tosommenarbeit mit Sidney Bechet tüschen 1951 un 1959 en grötter Publikum bekannt wurr.

Leven un WirkenÄnnern

André Réwéliotty, de af Enn‘ vun de 1940er-Johren in de Pariser Traditional-Jazz-Szene arbeiten dee, is dor mit sien Mimosa New Orleans Band uptreeden, mit de 1950 eerste Plattenupnahmen för Disques Vogue entstunnen („Donkey Rag“), an de Marcel Bornstein (tp), Jean-Louis Durand (tb), Yannick Singery (p), Alain Romantet (b) un Michel Pacout (dr) bedeeligt weern. 1951/52 nehm Reweliotty's Mimosa Jazzband mit Sidney Bechet un Claude Luter up („Kansas City Men Blues“, Vogue), 1952 in Belgien un Paris mit Hot Lips Page un Zutty Singleton („Knokkin' at Knokke-le-Zoutte“). Mit Albert Nicholas is he 1953 in dat Pariser Salle Pleyel uptreeden, 1955 mit Sidney Bechet un Claude Luter in dat Pariser Olympia un ansluutend in Wien (Stadt)|Wien. 1958 hett he mit sien Orchester Bechet up en Düütschlandtournee begleit.[1]

1959 bit 1961 entstunnen letzt Upnahmen ünner eegen Naam för Vogue, an de in wesseln Besetten ünner annern Raymond Fonsèque, Franco Manzecchi, Jean-Claude Naude, René Franc, Zozo d’Halluin un Benny Bennett mitwarkt hemm. In‘ Beriek vun den Jazz weer he bit 1961 an 40 Upnahmesessions bedeeligt.[2] He is an de Folgen vun en Verkehrsunfall storven, de in‘ Tunnel de Saint-Cloud up de Autoroute A 13 passeert is. Réwéliotty wurr up den Russischen Karkhoff vun Sainte-Geneviève-des-Bois bisett.

WeblenkenÄnnern

Enkeld NahwiesenÄnnern

  1. Christian Béthune Sidney Bechet Marseille 1997, S. 156
  2. Tom Lord The Jazz Discography (online, afropen an‘ 21. Oktober 2017)