André Armand Kardinal Vingt-Trois (* 7. November 1942 in Paris, Frankriek) is Arzbischop vun Paris.

Arzbischop André Vingt-Trois
Wappen vun den Kardinal

Leven ännern

André Vingt-Trois wurr as Kind vun Armand Vingt-Trois un sien Fru Paulette Vuillamy in dat 5. Pariser Arrondissement boren. Nah sien Schooltiet an dat Lycée Henri IV studeer he af 1962 Kathoolsch Theologie un Philosophie an dat Preesterseminar Saint-Sulpice in Issy-les-Moulineaux. Sien Studium muss he dör sien Wehrdeenst, bi de he in de Bundesrepubliek Düütschland statschoneert weer, van 1964 bit 1965 ünnerbreeken. He hett dat Studium mit dat theologisch Lizentiat an dat Institut catholique de Paris afslooten.

An' 28. Juni 1969 kreeg he dör François Kardinal Marty dat Sakrament vun de Preesterweehn tospraaken. Ansluutend weer he Kaplan in de Pfarree Sainte-Jeanne de Chantal in dat 16. Pariser Arrondissement. 1974 wurr he to'n Direkter vun dat Seminar Saint-Sulpice nömmt un geev dor todem Ünnerricht in Moraltheologie un Sakramententheologie.

Nahdem Jean-Marie Lustiger to'n Pariser Arzbischop nömmt wurr weer, hett de hüm 1981 to'n Generalvikar vun de Arzdiözees nömmt. Paapst Johannes Paul II. hett hüm an' 25. Juni 1988 to'n Titularbischop von Thibilis nömmt un bestell hüm to'n Weehbischop in Paris. De Bischopsweehn kreeg he an' 14. Oktober vun dat sülvig Johr dör Jean-Marie Kardinal Lustiger. Sien Bischopsmotto „Sic enim Deus dilexit mundum“ (Up Platt: So leev hett Gott de Welt harrt) hett he ut dat Johannesevangelium nommen.

An' 21. April 1999 wurr he to'n Arzbischop vun Tours un an' 11. Februar 2005 as Nahfolger vun Jean-Marie Kardinal Lustiger to'n Arzbischop vun Paris[1] nömmt. De fierlich Amtsövergaav weer dör de Inthronisatischoon an' 5. März vun dat sülvig Johr in de Kathedrale Notre Dame de Paris. Doröver herut wurr he an' 14. März 2005 to'n Ordinarius för de Glövenden vun den byzantienschen Ritus in Frankriek nömmt.[2]

Vingt-Trois wurr an' 5. November 2007 in Lourdes to’n Präsidenten vun de Franzöösch Bischopskonferenz wählt. 2013 hett hüm Georges Pontier in dit Amt aflööst.

An' 24. November 2007 nehm hüm Benedikt XVI. as Kardinalpreester mit de Titelkark San Luigi dei Francesi in dat Kardinalskollegium up.

Weblenken ännern

  André Vingt-Trois. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen ännern

  1. [1] Rinuncia dell’Arcivescovo Di Paris (Francia) e Nomina del Successore; Presseamt vun den Hilligen Stohl, Tägliches Bulletin van' 11. Februar 2005, afropen an' 20. Dezember 2015, italieensch
  2. [2] Rinuncia dell’Ordinario per i Cattolici di Rito Orientale residenti in Francia e Sprovvisti di Ordinario Proprio e Nomina del Successore; Presseamt vun den Hilligen Stohl, Tägliches Bulletin van' 14. März 2005, afropen an' 20. Dezember 2015, italieensch