Andre Geim
Andre Geim (russАндре́й Константи́нович Гейм}}; wiss. Transliteration Andrej Konstantinovič Gejm; * 1. Oktober 1958 in Sotschi, Russland) is en russch-nedderlannsch Physiker vun russlanddüütsch Herkunft[1], bekannt dör sien Opdecken vun den Graphens.[2][3] In dat Johr 2010 wurr hüm tosommen mit Konstantin Novoselov de Nobelpries för Physik toerkannt.
Een anner vun sien bemarkenswerten Opdecken is de Entwicklung vun en biomimetisch Adhäsiv, dat later in de engelsch Fakpress ünner de Naam gecko tape bekannt wurr[4] un Experimente mit Hülp vun diamagnetisch Schwebetechnik, de den so nömmt „schwebenden Pogg“ hervörbrocht hebbt.[5] För den „schwebend Pogg“ kreeg he 2000 tosommen mit Michael Berry den Ig-Nobelpries för Physik.
Leven
ännernGeim hett 1987 sien Doktertitel an dat Institut för Fastkörperphysik vun de Russisch Akademie der Wissenschaften in Tschernogolowka makt un arbeit tonächst as Postdoc an dat Institut för Probleme der Mikroelektronik Technologie (IPTM) ünner Führung vun V. T. Petrashov in Tschernogolowka, later wessel he an de University of Nottingham. Anner Postdoc-Statschonen weern de University of Bath, för en körten Tiet Kopenhagen un nochmals Nottingham, bevör er 1994 to de Radboud-Universität Nijmegen wessel. Perfesser an de Universitäten Nijmegen un Eindhoven hett he aflehnt, wiel he dat nedderlannsch Universitätssystem „too hiercharchical and full of petty politicking“ fand.[1] Geim gung nah Groootbritannien torüch un gung 2001 an de Universität Manchester an. To Tiet is he Direkter vun dat Manchester Centre for Mesoscience and Nanotechnology and chair of condensed matter physics.[6] He hollt gliekfalls den Titel vun den Langworthy Research Professor, en Titel, de fröher u. a. Ernest Rutherford, Lawrence Bragg un Patrick Blackett inne harrn. 2004 gelung Andre Geim dat, de eersten tweedimensionaal Kristalle ut Kohlenstoffatomen hertostellen (Graphene). För disse Opdecken kreeg he in‘ April 2009 den mit 750.000 € doteerten Koerber-Pries.
Utteknungen
ännern- 2000 Ig-Nobelpries för Physik mit Michael Berry[7]
- 2007 Mott Medal
- 2007 Liddmaat vun de Royal Society
- 2008 EuroPhysics Prize tosommen mit Kostantin Novoselov
- 2009 Körber-Pries
- 2010 Nobelpries för Physik tosommen mit Kostantin Novoselov
Born
ännern- ↑ a b A physicist of many talents, aus "Physics World", february 2006
- ↑ K. S. Novoselov et al.: Electric Field Effect in Atomically Thin Carbon Films. In: Science. Band 306, 2004, S. 666
- ↑ bbc.co.uk: It’s a thinner winner, 19th October 2006
- ↑ bbc-news: Gecko inspires sticky tape, 1 June 2003
- ↑ HFML - Science in High Magnetic Fields: The Frog That Learned to Fly, webpage in Holland
- ↑ nanotech.net: Andre Geim
- ↑ A. K. Geim und H. A. M. S. ter Tisha: Detection of earth rotation with a diamagnetically levitating gyroscope. In: Physica B. Band 294-295, 2001, S. 736–739, doi:10.1016/S0921-4526(00)00753-5.
