Andrew Cruickshank

Andrew John Maxton Cruickshank (* 25. Dezember 1907 in Aberdeen, Aberdeenshire, Schottland; † 29. April 1988 in London, England) weer en britischen Schauspeler.

Leven un Wark

Cruickshank besöch de Grammar School in Aberdeen un hett Boingenieurwesen studeert. Arbeit hett he in dissen Beroop aver nienich. An de Steed hett Cruickshank en Loopbahn as Theaterschauspeler anfungen. Toeerst höör he to dat Ensemble von öörtliche Theaters. In’t Johr 1930 hett he an’t Savoy Theatre in’t Stück Othello mitspeelt un 1934 harr he sien Debüt an’n Broadway. As he torüch na London keem, hett he 1935 an’t Gate Theatre in Victoria Regina speelt. Vun 1937 an hett he mit de Old Vic Company verschedene Shakespeare-Stücken opföhrt, so as Macbeth, A Midsummer Night’s Dream un Hamlet. Bit 1987 hett he wieter in tallrieke Theaterprodukschonen mitspeelt. Dorbi güng he twüschen 1951 un 1952 noch eenmol an’n Broadway torüch, woneem he an de Siet vun Uta Hagen in George Bernard Shaw sien Drama Saint Joan de Rull Richard de Beauchamp, Earl of Warwick speelt hett.

De Schauspeler hett 1937 dat eerste mol in en Speelfilm mitspeelt. Dorünner weern eenige bekannte Produkschonen as Richard III, The Battle of the River Plate, The 39 Steps, The Cruel Sea oder den Miss-Marple-Film Murder Most Foul. Bi de britischen Feernsehtokiekers weer Cruickshank vör allen dör sien Rull Dr. Angus Cameron in de Feernsehreeg Dr. Finlay’s Casebook, vun de twüschen 1962 un 1971 alltosamen 191 Folgen produzeert worrn sünd.

Cruickshank weer verheiraat un harr dree Kinder. To sien Ehren is in Milton Keynes, Buckinghamshire en Straat na em nöömt worrn.

Filmografie (Utwahl)

Johr	Titel	Synchroonsnacker
1937	Auld Lang Syne
1948	Idol of Paris
1950	Eye Witness dt.: Die unbekannte Zeugin
1950	The Angel with the Trumpet
1953	The Cruel Sea dt.: Der große Atlantik
1955	John and Julie dt.: Verliebt in eine Königin
1955	Richard III. dt.: Richard III.	Wolfgang Eichberger
1956	The Secret Tent dt.: Der Preis für fünf Jahre Glück
1956	The Battle of the River Plate dt.: Panzerschiff Graf Spee
1958	A Question of Adultery dt.: Gegen Sitte und Moral
1959	The 39 Steps dt.: 39 Stufen	Heinz Klevenow
1960	There Was a Crooked Man
1961	El Cid	Eduard Wandrey
1962	We Joined the Navy dt.: Auf zur Navy
1963	Come Fly with Me dt.: Flieg mit mir ins Glück
1964	Murder Most Foul dt.: Vier Frauen und ein Mord	Paul Wagner
1962-71	Dr. Finlay’s Casebook, Feernsehreeg
1982-84	Crown Court, Feernsehfolgen
1986-1988	King & Castle, Feernsehfolgen

Broadway

• 1934: Richard of Bordeaux
• 1951–1952: Saint Joan

Weblenken

• Andrew Cruickshank in de Internet Movie Database (engelsch)