Andrija Fuderer

Andrija Fuderer (* 13. Mai 1931 in Subotica; † 2. Oktober 2011 in Palamós^[1]) weer en jugoslaawsch Schachspeler, de later för Belgien speelberechtigt weer.

Leven

Andrija Fuderer, 1931 in Subotica boren, speel för de jugoslaawsch Mannschap bi de Schacholympiaden 1952, 1954 un 1958. In dat Johr 1953 reck he bi de Jugoslaawsch Meesterschap den deelten 1. Rang. He kunn sück ok för dat Interzonenturnier in Göteborg 1955, qualifizeeren, keem dor aber blots up den 14./15. Platz. In den Wettkamp Jugoslawien - UdSSR 1959 wunn he gegen Bronstein 3:1. De Schachverband FIDE hett hüm 1952 den Titel Internatschonaler Meester ^[2] un 1990 den Ehrengrootmeestertitel tospraaken.

Nahdem he in Göteborg wenig Spood harrt harr truck he sück wietgahn vun dat Schach trügg un konzentreer sück up sien berooplich Karriere as Chemiker.

Fuderer gull as talenteert Angreepsspeler. Sien best historsch Elo-Tall 2674 reck he in' Januar 1955, dormit leeg he up Platz 19 vun de nahträglich berekent Weltranglist.^[3]

Turnierspood

Bled 1950: 4. Platz
Jugoslaawsch Meesterschap 1951: 2./3. Platz
Düörpm 1951: 2./3. Platz
Belgrad 1952: 2./3. Platz
Jugoslaawsch Meesterschap 1952: 2./3. Platz
Opatija 1953: 2. Platz
Jugoslaawsch Meesterschap 1953: 1.-3. Platz
Zonenturnier München 1954: 4. Platz
Hastings 1954/55: 3.-5. Platz

Enkeld Nahwiesen

↑ The Week in Chess, 11. Oktober 2011
↑ Willy Iclicki: FIDE Golden book 1924-2002. Euroadria, Slovenia, 2002, S. 88
↑ Chessmetrics Player Profile, afropen an' 29. November 2011

Literatur

Siep H. Postma: Fuderer, een eigentijdse Morphy. Van Spijk, Venlo 1994, ISBN 90-6216-037-9

Weblenken

FIDE-Koort (engelsch)
Andrija Fuderers Schachpartien up chessgames.com (engelsch)]

[1] The Week in Chess, 11. Oktober 2011

[2] Willy Iclicki: FIDE Golden book 1924-2002. Euroadria, Slovenia, 2002, S. 88

[3] Chessmetrics Player Profile, afropen an' 29. November 2011

[1]

[2]

[3]