Andrijan Grigorjewitsch Nikolajew
Andrijan Grigorjewitsch Nikolajew (tschuwaschisch un russisch: Андриян Григорьевич Николаев, wetenschaplich Transliteratschoon Andrijan Grigorjevič Nikolaev; * 5. September 1929 in Schorschely, Tschuwaschische ASSR; † 3. Juli 2004 in Tscheboksary, Tschuwaschien) weer en sowjeetsch Kosmonaut.
Leven
ännernNikolajew hett en medizinische Lehranstalt besöcht, hett denn aber Forstwertschap in Karelien lehrt un 1947 en Prüfung as Forstmeester bestahn. 1950 wurr he in de Root Armee inberopen un bit 1954 as Jagdfleger utbildt. He hett de Luftwappen-Hoochschool un de Luftwappen-Ingenieur-Akademie mit Afsluss besöcht. Van 1955 bit 1960 deen he in Eenheiten vun de Luftstrietkräfte.
In‘n März 1960 wurr he för de Ruumfohrt utsöcht. He weer mit de Mission Wostok 3 van‘ 11. August 1962 bit 14. August 1962 nah Juri Alexejewitsch Gagarin un German Stepanowitsch Titow de dart sowjeetsch Kosmonaut, de in den Weltruum flaagen is. Mit Wostok 3 hett he de Eer 64 mal umkreist und orbi 4 Daag bruukt. Wat he dorbi beleevt hett, hett he in Moskau vör 5000 Journalisten mit sien Kollegen Pawel Romanowitsch Popowitsch, de een Dag later mit Wostok 4 start weer, vertellt. As Ruumschippkommandant führ he dat Roopteeken Sokol (russisch: Сокол) för Falke).
Van 1966 an traineer he för bemannt Maandflüüg. 1970 floog he tosommen mit Witali Iwanowitsch Sewastjanow an Bord vun Sojus 9 un stellt mit över 17 Daag en nee Langtietrekord för den Upenholt in de Swoorlosigkeit up.
Nah hör Rückkehr to de Eer hett man bi de Kosmonauten en düchtigen Swaakheitstostand faststellt, en Phänomen, dat later as Nikolajew-Effekt bekannt wurr. Dormit stunn fast, dat man in en latere Ruumstatschoon en körperlich Training dörführen muss, um dissen Effekt tegentowarken.
Nah de Kosmonautenloopbahn
ännern
Nikolajew hett 1963 Walentina Tereschkowa (* 1937) heiraadt, de as eerste Fru an‘n 16. Juni 1963 in den Weltruum floog un later Liddmaat van den Böversten Sowjet weer. De Ehe hull bit 1982, weer aber en Idee vun Chruschtschow as Propagandaaktschoon. Heiraadt wurr in Moskau. Ansluutend drüff dat Paar in en Nobelapartment an‘n Kutusowski-Prospekt trecken. Mit hör harr he de Dochter Elena (* 1964).
Van Juli 1972 bit September 1992 wear Nikolajew Eerster Stellvertreden Direkter vun dat Juri-Gagarin-Kosmonautentrainingszentrum. Vun 1990 bit 1993 weer he Afordneter in den sowjeetschen Kongress vun de Volksdeputierten. Tweemal wurr he mit den Titel Held der Sowjetunion ehrt. En Maandkrater wurr nah hüm nömmt. Todem wurr hüm, ünner annern, de [Leninorden]] un de Orden des Roten Sterns verleeht. To sien 70. Geburtstag keem sogor en Wodkabuddel mit sien Porträt herut. He is mit 74 Johren as Schiedsrichter bi en heimatlich Sportfest in Tschuwaschien an Hartverseggen storven.[2]
Weblinks
ännern
Andrijan Grigorjewitsch Nikolajew. Mehr Biller, Videos oder Audiodateien to’t Thema gifft dat bi Wikimedia Commons.