Anna-Karin Heijdenberg

Anna-Karin Heijdenberg (* 22. Juli 2000 in Östersund, Jämtlands län) is en sweedsch Biathletin.

Sportlich Loopbahn

Anna-Karin Heijdenberg geev hör internatschonal Debüt in‘n März 2019 in‘n IBU-Junior-Cup un nehm ok an de Junioreneuropameesterschapen deel.

Eerst dree Johr düük se mit de Deelnahman de Juniorenweltmeesterschapen 2021 weer up, allerdings ahn Spood. Hör Debüt in‘n IBU-Cup geev se Anfang 2022 in Osrblie un wurr dor 66. In’n Sprint. To dat Saisonenn’n nehm se weer an de Junioren-WM deel un belegg mit de Staffel den 6. Platz un in Sprint un Verfolgung keem se jewiels up Platz 27.

Nah en wiederen Winter ahn internatschonale Reendeelnahmen leep Heijdenberg in‘n November 2023 bi de Vörbereitungsrennen in Idre unverwacht achter Elvira Öberg up den tweeten Platz, womit se sück för dat IBU-Cup-Team qualifizieeren dee. Dor kunn se glieks övertüügend. To’n Bispeel reck se in Kontiolahti mit Sara Andersson, Emil Nykvist un Henning Sjökvist den tweeten Rang in‘n Mixed. Ört dornah reck se ok hör eerst Individualpodest, as se mizt en stark Looptiet in den Sprint vun Idre trotz twee Scheetfehler up Rang 3 keem. Bie de Biathlon-Europameesterschapen 2024 keem se gemensam mit Viktor Brandt, Peppe Femling un Johanna Skottheim in de Mixed-Staffel up den 4. Platz. Se kunn denn sogor noch in den Biathlon-Weltcup 2023/24 antreeden un sammel mit den 25. Platz in dat Eenzel vun Oslo hör eerst Weltcuppunkte. Noch beter leep dat bi den Sprint vun Canmore, Kanada, wo se up Platz 15 keem. Mit 42 Punkten reck se an’t Enn’n Rang 65 vun de Weltcup-Gesamtwertung.

Weblinks

• Anna-Karin Heijdenberg up de Siet vun de IBU (engelsch)
• Anna-Karin Heijdenberg up de Sieden vun de FIS (engelsch)
• B-Kader bi skidskytte.se (sweedsch)