Antonio Cifra

Antonio Cifra (* 1584; † 2. Oktober 1629 in Loreto) weer en italieensch Kapellmeester un Komponist vun den Barock.

Portrait vun Antonio Cifra

Leven un WarkBearbeiten

Antonio Cifra kreeg sien Utbillen bi Giovanni Bernardino Nanino in Rom. He weer van 1605 bit 1607 musikalisch Baas vun dat Seminario Romano un in glieker Positschoon van 1608 bit 1609 an dat Collegium Germanicum. Van 1609 bit to sien Dood weer Cifra Kapellmeester vun de „Santa Casa“ in den Pilgeroort Loreto. In disse Tiet pleeg he intensive Kuntakt mit röömsch Komponisten un he nehm as Chorleiter bi bedüüden Anlaaten in' Petersdom deel.

Antonio Cifra hett en groot Antall Warken vun geistlich Vokalmusik, dorünner mehrere Böker vun Messvertoonen, mehr as teihn Böker mit völstimmig geistlichen un profanen Motetten as ok twee Bände mit Instrumentalwarken („Ricercari e canzoni franzese“) achterlaaten.

LiteraturBearbeiten

  • Giancarlo Rostirolla: Cifra, Antonio In: Alberto M. Ghisalberti (Hrsg.): Dizionario Biografico degli Italiani (DBI). Band 25: Chinzer–Cirni. Istituto della Enciclopedia Italiana, Rom 1981.

WeblenkenBearbeiten