Antonius Rüsenberg

Antonius Rüsenberg (* 6. Mai 1943 in Steinheim, Kreis Höxter; † 14. Juni 2016) weer en düütsch Politiker (CDU).

Kandidatenplakat to de Landdagswahl in Noordrhien-Westfalen 1985

Utbillen un Berop

Nah den Besökk vun de Volksschool hett Antonius Rüsenberg van 1957 bit 1961 en Lehre as Landmaschinenschlosser maakt, de he 1961 mit de Gesellenprüfung afslooten hett. Dornah weer he bit 1963 as Landmaschinenschlosser tätig. Van 1963 bit 1964 hett he dat Sozialinstitut Bad Honnef besöcht, 1964 bit 1966 hett he as Landmaschinenmechaniker arbeit. De Höhgere Fackschool för Sozialarbeit Köln hett he van 1966 bit 1969 besöcht, dornah weer he as Sozialarbeiter bi dat Kreisjöögdamt in Höxter bit 1980 tätig.

Politik

Antonius Rüsenberg weer siet 1962 Liddmaat vun de CDU. He weer Oortsverbandsvörsitter un Vörsitter vun de CDU-Stadtverband Steinheim. Van 1973 bit 1999 weer he Vörsitter vun den CDU Kreisverband Höxter. Rüsenberg weer 32 Johr lang Liddmaat vun den CDU-Bezirksvörstand Ostwestfalen-Lippe un 21 Johr vun den CDU-Landsvörstand Noordrhien-Westfalen. Dorneben weer he ok Liddmaat vun de Christlich Demokraatsch Arbeitnehmerschap (CDA), de Kathoolsch Arbeitnehmerbewegen (KAB) un in' Kolpingwerk.

Antonius Rüsenberg weer direkt wählt Liddmaat vun den 9. bit 13. Landdag vun Noordrhien-Westfalen van 1980 bit 2005. Hier weer he stellvertreeden Vörsitter vun de CDU-Landdagsfraktschoon un weer 15 Johr lang familien - un jöögdpolitisch Spreeker vun de CDU-Landdagsfraktschoon.

Rüsenberg is mit 73 Johren storven.

Weblenken

• Antonius Rüsenberg up de Sieden vun den Landdag Noordrhien-Westfalen
• Doodsanzeig vun de Familie