Apen Stadt

En apen Stadt is in dat Kriegsrecht en Stadt, de von de Truppen, de ehr vörher hollen hebbt, nich mehr verdeffendeert warrt. Dat heet, dat de Angriepers de Stadt innehmen köönt, ahn dat se mit Wedderstand reken mööt. De Angriepers hebbt denn de Plicht, de Stadt ok ahn Gewalt intonehmen.

As de Japaners in’n Tweten Weltkrieg kort vör Manila stünnen, hebbt de Amerikaners de Stadt an’n 26. Dezember 1941 to en apen Stadt verkloort un de Japaners hebbt de Stadt an’n 2. Januar innahmen

Grundlaag is Artikel 25 von de Haager Landkriegsordnung, de seggt:

Dat is verbaden, Städer, Dörper, Wahnungen oder Gebüüd antogriepen oder to bumbarderen, de nich verdeffendeert warrt.

Dat schall helpen, dat de Inwahners nich unnödig lieden mööt un schall ok de histoorschen Gebüüd von en Stadt schulen. Vör allen in’n Tweten Weltkrieg sünd en Reeg Städer to apen Städer verkloort worrn.