Arjen Robben
Arjen Robben (* 23. Januar 1984 in Bedum, Provinz Grunnen) is en Footballspeler ut de Nedderlannen. Totieds steiht he in Deensten bi den FC Bayern München.
| Arjen Robben | ||
 | ||
| Spelerinformatschonen | ||
|---|---|---|
| Vullstännig Naam | Arjen Robben | |
| Geboortsdag | 23. Januar 1984 | |
| Geboortsoort | Bedum, Nedderlannen | |
| Grött | 180 cm | |
| Positschoon | Störmer | |
| Vereensinformatschonen | ||
| Vereen | FC Bayern München | |
| Verenen in de Jöögd | ||
bit 1996 1996-2000 |
C.V.V.B. V.V.Bedum FC Groningen | |
| Verenen as Speler1 | ||
| Johren | Vereen | Spelen (Doren) |
| 2000–2002 2002–2004 2004–2007 2007–2009 2009– |
FC Groningen PSV Eindhoven FC Chelsea Real Madrid FC Bayern München |
46(8) 56 (17) 67 (15) 50 (11) 24 (16) |
| Natschonalmannschop2 | ||
| 2003–2017 | Nedderlannen | 46 (11) |
|
1 Blots Liga-Spelen. | ||
Sien Weg as Footballspeler ännern
In'n Vereen ännern
Robben is in de Jöögd bi sien Heimatvereen VV Bedum anfungen. Man al mit 12 Johre hett he wesselt na'n FC Groningen. Mit 16 Johren hett he sien eerst Speel in de Ehrendivischoon speelt. Dat weer an'n 3. Dezember 2000, as he in dat Butenspeel bi den RKC Waalwijk in de 77. Minuut inwesselt wurrn is. Denn hett he in de dore Speeltied noch 17 Mol up'n Platz stahn un dor twee Dore bi schaten. In de neegste Speeltied is he Stammspeler wurrn un hett in 28 Speele sess Dore maakt. To de Saison 2002/2003 is he na den PSV Eindhoven gahn. Ok dor hett he sik dörsetten konnt un in 33 Speele 12 mol drapen. In de Speeltied is he mit Eindhoven ok nedderlannschen Meester wurrn.
Nadem he noch een Johr in Eindhoven bleven weer, hool de russische Ööl-Milliardär Roman Abramowitsch Robben to den Premier-League-Club FC Chelsea. An'n Anfang vun de dore Speeltied konn Robben lang nich mitspelen, man denn hett he dor in dat eerste Johr doch noch 18 Speele in'e Liga un fiev in de Champions-League maakt. Mit Chelsea is he 2005 engelschen Meester wurrn. In de neegste Saison hett he 28 Mol speelt un sess Dore schaten un so sien groten Deel dorto bistüert, datt Chelsea sien Titel verdeffenderen konn.
In'n August 2007 is he vör um un bi 36 Millionen Euro na Real Madrid gahn. Dor weer he lange Tied Stammspeler, bit se dor denn Spelers as Cristiano Ronaldo un Kaká an Bord hoolt hefft un em seggt hefft, he scholl man lever gahn.[1]
An'n 28. August 2009 is Robben na den FC Bayern München wesselt. Dor hett he en Verdrag över veer Johre unnerschreven. So, as dat am Enne vun de Saison utseeg, is dat för den FC Bayern en bannigen Slumpslag ween: De FC Bayern hett de düütsche Meesterschop un den DFB.Pokal hoolt un steiht in't Endspeel um de Champions-League. Robben hett dor as Stammspeler mit wichtige Dore to bidragen.
In der Natschonalmannschop ännern
An'n 30. April 2003 hett Robben bi dat 1:1 gegen Portugal sien eerst Speel för de nedderlannsche Natschonalmannschop maakt. Dormols is Dick Advocaat Bondscoach ween. Bi all grote Turieren, de denn kamen sünd, hett he in de nedderlannsche Elftal mitmaakt.
Privates ännern
Robben is vun Juni 2007 af an verheiratet un hett twee Kinner.
Wat he tostanne bröcht hett ännern
- Nedderlannen (PSV Eindhoven, 2002-2004):
- Nedderlannsch Meester: 2003
- Johan-Cruyff-Schaal: 2003
- England (FC Chelsea, 2004-2007):
- Engelschen Meester 2005, 2006
- Engelschen Ligapokal-Winner: 2005, 2007
- Engelschen Pokal-Winner: 2007
- FA Community Shield: 2005
- Spanien (Real Madrid, 2007-2009):
- Spaanschen Meester: 2008
- Spaanschen Supercup-Winner: 2008
- Düütschland (FC Bayern München, 2009-2010):
- Düütschen Meester: 2010
- Düütschen-Pokal-Winner: 2010
- Door vun den Maand: Januar 2010, März 2010, April 2010
- Europa:
- Europas U-21-Footballspeler vun dat Johr: 2005
- UEFA-Champions-League-Finalist: 2010